राष्ट्रवादी काँग्रेसचे नेते छगन भुजबळ यांना सक्तवसुली संचालनालयाने सोमवारी रात्री अटक केल्यानंतर त्याचे पडसाद मंगळवारी सकाळपासून विविध भागात उमटण्यास सुरुवात झाली आहे. - मुंबईतील विविध ठिकाणांहून एकूण २०० कार्यकर्त्यांना पोलिसांनी ताब्यात घेतले आहे - नाशिकमध्ये किरीट सोमय्यांच्या पुतळ्याचे प्रतिकात्मक दहन - नाशिकमध्ये मुंबई नाक्यावर भुजबळ समर्थकांची निदर्शने - दादर, वरळी भागात राष्ट्रवादीच्या कार्यकर्त्यांना ताब्यात घेण्यास सुरुवात - भुजबळांचा मतदारसंघ असलेल्या येवल्यामध्ये कडकडीत बंद - ओझर येथे रस्तारोको करताना राष्ट्रवादी काँग्रेसचे जिल्हाध्यक्ष रविंद्रनाना पगार यांच्यासह शेकडो कार्यकर्त्यांना अटक - नाशिक शहर, येवला, नांदगांव, मनमाड, तसेच मुंबई-आगरा महामार्गावर रास्ता रोको