05 March 2021

News Flash

रुग्णालयांतील गैरहजर कर्मचाऱ्यांना नोटीस

करोनाबाधितांची संख्या वाढत असून रुग्णालयांमध्ये आणीबाणीची परिस्थिती निर्माण झाली आहे

(संग्रहित छायाचित्र)

करोना संसर्गामुळे मुंबईत गंभीर परिस्थिती निर्माण झाली आहे. अशा वेळी रुग्णसेवा टाळून रुग्णालयांमध्ये अनुपस्थित राहणाऱ्या कायमस्वरूपी कर्मचाऱ्यांना तात्काळ नोटीस बजावाव्यात, असे आदेश महापौर किशोरी पेडणेकर यांनी मंगळवारी पालिका प्रशासनाला दिले.

मुंबई महापालिकेच्या रुग्णालयांमधील अधिष्ठात्यांची भायखळा येथील जिजाबाई भोसले उद्यान आणि प्राणिसंग्रहालयातील (राणीची बाग) पेंग्विन कक्षातील सभागृहात मंगळवारी सायंकाळी बैठक झाली. या बैठकीत महापौरांनी रुग्णालयांतील परिस्थितीचा आढावा घेतला. या बैठकीला आरोग्य समितीचे अध्यक्ष अमेय घोले उपस्थित होते. करोनाबाधितांची संख्या वाढत असून रुग्णालयांमध्ये आणीबाणीची परिस्थिती निर्माण झाली आहे. अशा वेळी रुग्णालयांतील काही डॉक्टर, परिचारिका, चतुर्थश्रेणी कर्मचारी वारंवार अनुपस्थित राहात असल्याचे निदर्शनास आले . अशा कर्मचाऱ्यांना तात्काळ नोटीस बजावावी, असे आदेश पेडणेकर यांनी यावेळी दिले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 13, 2020 12:48 am

Web Title: notice to absentee hospital staff abn 97
टॅग : Coronavirus
Next Stories
1 श्रमिकांच्या मोफत प्रवासाची फक्त घोषणाच
2 घरपोच मद्यविक्रीला अखेर मान्यता
3 बांधकाम उद्योगावर दरवाढीचा बोजा
Just Now!
X