News Flash

बेकायदा बांगलादेशींचा शोध घेण्यासाठी मुंबईतही एनआरसी लागू करा: राज पुरोहित

आसाममधील एनआरसीवरुन राजकीय वातावरण तापले असतानाच भाजपा आमदार राज पुरोहित यांनी मुंबईतही एनआरसी लागू करुन नागरिकांची अधिकृत यादी जाहीर करावी, अशी मागणी केली आहे.

भाजपा आमदार राज पुरोहित (संग्रहित छायाचित्र)

बेकायदेशीर वास्तव्य करणाऱ्या बांगलादेशींचा शोध घेण्यासाठी आसामच्या धर्तीवर मुंबईतही राष्ट्रीय नागरिक नोंदणी विभागाने (एनआरसी) नागरिकांची नोंदणी करावी, अशी मागणी भाजपाचे आमदार राज पुरोहित यांनी केली आहे.

सध्या आसाममध्ये राष्ट्रीय नागरिक नोंदणी यादीवरुन वाद निर्माण झाला आहे. आसाममधील नागरिकांच्या नोंदणीचा अंतिम मसुदा नुकताच जाहीर झाला आहे. यात एकूण ३ कोटी २९ लाख अर्जदारांपैकी २ कोटी ८९ लाख लोकांचा समावेश करण्यात आला आहे. तर जवळपास ४० लाख ७ हजार नागरिकांचे अर्ज फेटाळले गेले असून ते आता अवैध नागरिक ठरले आहेत.

आसाममधील एनआरसीवरुन राजकीय वातावरण तापले असतानाच भाजपा आमदार राज पुरोहित यांनी मुंबईतही एनआरसी लागू करुन नागरिकांची अधिकृत यादी जाहीर करावी, अशी मागणी केली आहे. यासंदर्भात राज पुरोहित यांनी मुंबईचे जिल्हाधिकारी, पोलीस आयुक्त आणि राज्य निवडणूक आयुक्तांना पत्र देखील पाठवले आहे. ‘नागरिकांची नोंदणी केल्यास कुलाबा आणि मुंबईच्या अन्य भागांमध्ये बेकायदेशीर वास्तव्य करणाऱ्या बांगलादेशींचा शोध घेता येईल’, असे त्यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 2, 2018 10:22 am

Web Title: nrc should be implemented in mumbai to identify bangladeshis says bjp mla raj purohit
Next Stories
1 लोकलमधल्या ‘त्या’ टवाळखोर स्टंटबाजांना शोधलं, पोलिसांनी घातल्या बेड्या
2 महापालिका म्हणते, हे खड्डे नाहीत.!
3 खड्डय़ांच्या ९१ टक्के तक्रारींचे निराकरण
Just Now!
X