30 September 2020

News Flash

‘आदेशाचे पालन करा अन्यथा लाखोंचा दंड भरा’

हरित लवादाचे उल्हासनगर पालिकेला आदेश

संग्रहित छायाचित्र

उल्हासनगरमधील कचऱ्याच्या समस्येने गंभीर रुप धारण केल्याचे निरीक्षण नोंदवत त्याची विल्हेवाट लावण्यासाठीच्या कृती आराखडय़ाची अंमलबजावणी करण्याचे आदेश राष्ट्रीय हरित लवादाने पालिकेला दिले आहेत. आदेशाचे पालन न केल्यास १० लाखांहून अधिक लोकसंख्येसाठी १० लाख, तर पाच ते १० लाखांच्या मधील लोकसंख्येसाठी पाच लाख रुपयांची दंडात्मक कारवाई राज्य प्रदूषण नियंत्रण मंडळाने पालिकेवर करावी, असेही लवादाने स्पष्ट केले आहे.

पालिका रक्कम भरण्यास असमर्थ ठरल्यास सरकारने योग्य ती कारवाई करावी, असेही निर्देशही लवादाने दिले आहेत.  उल्हासनगरमधील कचऱ्याच्या समस्येबाबत प्रकाश कुकरेजा आणि त्यांच्या पब्लिक काईंड ट्रस्ट या संस्थेने २०१५ मध्ये केलेल्या तक्रारीवर नवी दिल्ली येथील राष्ट्रीय हरित लवादाने हे आदेश दिले. ही तक्रार पुणे येथील हरित लवादाकडे करण्यात आली होती. ती नवी दिल्लीतील खंडपीठाकडे वर्ग करण्यात आली. सुनावणीच्या वेळी खंडपीठाने तक्रार निकाली काढताना पालिकेला आणि राज्य प्रदूषण नियंत्रण मंडळाला आदेश दिले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 30, 2020 12:19 am

Web Title: obey orders or pay millions order of green arbitration to ulhasnagar municipality abn 97
Next Stories
1 मुंबई परिसरात धोका वाढला
2 लॉकडाउन की अनलॉक या संभ्रमात ठाकरे सरकार : मनसे
3 Mission Begin Again: व्हिडीओ शेअर करत नितेश राणेंनी उडवली ठाकरे सरकारची खिल्ली
Just Now!
X