12 August 2020

News Flash

धारावीने करुन दाखवलं; एकेकाळी हॉटस्पॉट असणाऱ्या धारावीत आता…

धारावीतून आली दिलासादायक बाब समोर

संग्रहित छायाचित्र

देशात आणि राज्यात करोनाबाधितांची संख्या दिवसेंदिवस वाढत आहे. करोनाबाधितांच्या एकूण संख्येत भारतानं आता रशियालाही मागे टाकलं आहे. देशात आतापर्यंत एकूण सात लाखांपेक्षा अधिक करोनाबाधितांची नोंद करण्यात आली. तर मृतांची संख्याही २० हजारांच्या पुढे गेली आहे. महाराष्ट्राकडे पाहिलं तर महाराष्ट्रातही करोनाबाधितांची एकूण संख्या २ लाखांच्या वर गेली आहे. अशा परिस्थितीत आशिया खंडातील सर्वात मोठी झोपडपट्टी समजल्या जाणाऱ्या धारावीतून मात्र दिलासादायक बाब समोर आली आहे. एकेकाळी मुंबईतील करोनाचं हॉटस्पॉट समजल्या जाणाऱ्या धारावीतून मंगळवारी केवळ एकाच रुग्णाची नोंद झाली.

एक अशी वेळ होती जेव्हा धारावीला अनेकांकडून मुंबईतील वुहान असं म्हटलं जायचं. परंतु आता याच धारावीची सक्सेस स्टोरी सर्वांच्या चर्चेचा विषय बनली आहे, मंगळवारी धारावी परसात केवळ एकाच करोनाबाधिताची नोंद झाली. त्यानंतर धारावीतील एकूण करोनाबाधितांची संख्या २ हजार ३३५ वर पोहोचली आहे.

दरम्यान, बुधवारी मुंबईत नव्या ७८५ करोनाबाधितांची नोंद करण्यात आली होती. त्यानंतर करोनाबाधितांची एकूण संख्या ८६ हजार ५०९ वर पोहोचली. तक शहरात आतापर्यंत ५ हजार २ जणांचा मृत्यू झाला आहे. तर दुसरीकडे कल्याण डोंबिवली महानगरपालिका क्षेत्रात २६ जणांच्या मृत्यूची नोंद झाली. तर मीरा-भाईंदरमध्ये ११ आणि पनवेलमध्ये ९ जणांच्या मृत्यूची नोंद करण्यात आली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 8, 2020 11:53 am

Web Title: once dharavi was coronavirus hotspot in mumbai now wednesday found only one case jud 87
Next Stories
1 राजगृह निवासस्थान तोडफोडप्रकरणी प्रकाश आंबेडकरांनी दिली प्रतिक्रिया; म्हणाले…
2 Video : दादरमधील राजगृह म्हणजे आंबेडकरांच्या आठवणींचा ठेवा
3 अरुण गवळी पुन्हा तुरुंगाबाहेर
Just Now!
X