डॉ. बाबासाहेब आंबेडकर यांचे निवासस्थान राजगृह येथील तोडफोडप्रकरणी गुरुवारी माटुंगा पोलिसांनी उमेश जाधव (३५) या तरुणाला अटक केली. पोलिसांनी दिलेल्या माहितीनुसार मुख्य आरोपीने राजगृह बंगल्यात प्रवेश केल्यानंतर अटक आरोपी बाहेर पहारा देत होता. जाधव परळ टीटी परिसरात वास्तव्यास असून बिगारी काम करतो. त्याच्या चौकशीतून मुख्य आरोपीबाबत महत्त्वपूर्ण माहिती हाती आली असून त्यालाही लवकरच अटक केली जाईल, असा विश्वास मध्य प्रादेशिक विभागाचे अतिरिक्त आयुक्त विरेश प्रभू यांनी व्यक्त केला.
