23 September 2020

News Flash

वडाळ्यात एकमजली इमारत कोसळली; ढिगाऱ्याखालून ४ जणांना बाहेर काढण्यात यश

अनेक जण अडकल्याची व्यक्त होतेय भिती

मुंबई : वडाळ्यात दुमजली इमारत कोसळली, ४ जणांना धिगाऱ्याखालून बाहेर काढण्यात यश.

मुंबईतील वडाळा भागात एक जुनी दुमजली इमारत कोसळल्याची दुर्घटना शनिवारी घडली असून ढिगाऱ्याखाली अनेक जण अडकल्याची भीती व्यक्त होत आहे. या घटनेची खबर कळताच आपत्ती व्यवस्थापन दल घटनास्थळी पोहोचले असून मदतकार्य सुरु करण्यात आले आहे. या जवानांना अद्याप ४ जणांना ढिगाऱ्याखालून बाहेर काढण्यात यश आले आहे. या इमारतीच्या तळमजल्यावर एक किराण्याचे दुकान होते, ते यात पूर्णतः गाडले गेले आहे.


आपत्ती व्यवस्थापन दलाच्या एका अधिकाऱ्याने सांगितले की, ही इमारत कशी कोसळली याची माहिती अद्याप कळू शकलेली नाही. याची चौकशी झाल्यानंतरच याबाबत माहिती कळू शकेल. या दुर्घटनेत जखमी झालेल्या लोकांना तत्काळ रुग्णालयात दाखल करण्यात आले आहे.

यापूर्वी गेल्यावर्षी मुंबईच्या भेंडी बाजार भागात एक ६ मजली इमारत कोसळली होती. यामध्ये ३३ लोकांचा मृत्यू झाला होता. तर १४ लोक गंभीर जखमी झाले होते. यामुळे मुंबईतील अनेक जुन्या धोकादायक इमारतींचा प्रश्न ऐरणीवर आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 24, 2018 10:01 pm

Web Title: one storey building collapsed in wadala achieving 4 out of the decks
Next Stories
1 नितीन गडकरी यांच्याकडून महाराष्ट्रात निधीचे पाट
2 आरोग्य सेवेतील डॉक्टरांना उपचारासाठी विशेष मानधन!
3  ‘आधार’ जोडलेल्या रेशनकार्डावरच स्वस्त धान्य!
Just Now!
X