03 March 2021

News Flash

सरकार इतके दिवस झोपले होते काय, राधाकृष्ण विखे-पाटील यांचा सवाल

शेतकऱ्यांचा हा ज्वालामुखी सरकारला भस्मसात केल्याशिवाय राहणार नाही.

काँग्रेसचे नेते राधाकृष्ण विखे पाटील. (संग्रहित)

विविध मागण्यांसाठी शेतकऱ्यांचा लाँग मोर्चा विधान भवनाला घेराव घालण्यासाठी अखेर मुंबईतील आझाद मैदानावर सोमवारी पहाटे दाखल झाला आहे. सत्ताधारी भाजपा वगळता सर्वच पक्षांनी या आंदोलनाला पाठिंबा दिला आहे. दरम्यान, काँग्रेस नेते व विधान परिषदेतील विरोधी पक्षनेते राधाकृष्ण विखे पाटील यांनी सरकारवर हल्लाबोल केला आहे. शेतकऱ्यांचा हा ज्वालामुखी सरकारला भस्मसात केल्याशिवाय राहणार नाही. सरकारने काल रात्री मंत्रिगट स्थापन केला. सरकार इतके दिवस काय झोपा काढ होते का, असा सवाल विखे पाटील यांनी केला आहे.

हजारो शेतकऱ्यांचा मोर्चा मुंबईत धडकल्याने आता सरकारला जाग आली आहे. आता सरकार चर्चेचे निमंत्रण देत आहेत. हाच समजूतदारपणा त्यांनी आधी का नाही दाखवला, असा सवाल करत काहीही झाले तरी सरकारला शेतकऱ्यांच्या मागण्या पूर्ण कराव्याच लागतील, असे त्यांनी ठणकावून सांगितले.

तत्पूर्वी, ‘शेतकऱ्यांच्या न्याय मागण्यांसाठी निघालेल्या नाशिक-मुंबई किसान लाँग मार्चला काँग्रेस पक्षाचा पाठिंबा आहे. शेतकऱ्यांच्या सरकारविरोधातील या संघर्षात काँग्रेस पक्ष शेतकऱ्यांसोबत आहे. मुख्यमंत्र्यांनी हट्टीपणा सोडून शेतकऱ्यांशी चर्चा करावी व त्यांच्या मागण्या मान्य कराव्यात, असे मत काँग्रेस प्रदेशाध्यक्ष अशोक चव्हाण यांनी ट्विटरच्या माध्यमातून मांडले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 12, 2018 11:18 am

Web Title: opposition leader radha krishna vikhe patil criticized on cm devendra fadnavis and state government on kisan long march
Next Stories
1 राजकारण बाजूला सारून शेतकऱ्यांच्या शांततापूर्ण मोर्चाला साथ देऊया- हुमा कुरेशी
2 Kisan Long March: हो शेतकरी आजारी आहे; आझाद मैदानावर डॉक्टरांचे चेकअप कॅम्प्स
3 Kisan Long March Videos: आझाद मैदानातून लाइव्ह…
Just Now!
X