25 October 2020

News Flash

‘परळचा राजा’ यंदा २३ फुटी नाही, फक्त तीन फुटाची छोटी गणेशमुर्ती

गणेशोत्सव मंडळाने घेतला महत्वाचा निर्णय

करोना व्हायरसच्या संकटाच्या पार्श्वभूमीवर परळ विभाग सार्वजनिक गणेशोत्सव मंडळ, नेरपार्कने महत्वपूर्ण निर्णय घेतला आहे. यंदा मंडळाने २३ फुटी भव्य गणेशमुर्ती न साकरता फक्त तीन फुटाची छोटी मुर्ती घडवण्याचा निर्णय घेतला आहे.

परळ विभाग सार्वजनिक गणेशोत्सव मंडळ, नेरपार्कचा गणपती परळचा राजा म्हणून ओळखला जातो. दरवर्षी २३ फुटापर्यंत भव्य आकर्षक गणेशमुर्ती मंडळाकडून साकारण्यात येते. पण करोना संकट, आर्थिक मंदी या पार्श्वभूमीवर मंडळाने गणेशोत्सव अत्यंत साध्या पद्धतीने साजरा करण्याचा निर्णय घेतला आहे.

दरवर्षी परळच्या राजाची भव्य आगमन आणि विसर्जन मिरवणूक काढली जाते. पण यंदा परळच्या राजाचे विसर्जन गिरगाव चौपाटीऐवजी साध्या कृत्रिम तलावात करण्याचा निर्णय घेण्यात आला आहे. कुठलीही विसर्जन मिरवणूक काढण्यात येणार नाही असे मंडळाने जाहीर केले आहे. त्याशिवाय यंदा वर्गणी देखील न काढण्याचा निर्णय घेण्यात आला आहे.

खेतवाडीतही साध्या पद्धतीने साजरा होणार गणेशोत्सव
परळ, लालबाग पाठोपाठ गिरगाव खेतवाडीत गणेशोत्सव मोठया उत्साहात साजरा केला जातो. यंदाच्या वर्षी अखिल खेतवाडीतील गणेश मंडळे सुद्धा साध्या पद्धतीने गणेशोत्सव साजरा करणार आहेत. दोन फुटापासून ते पाच फुटापर्यंत छोटया मुर्ती यंदा घडवण्यात येणार असल्याचे अखिल खेतवाडी सार्वजनिक गणेशोत्सव मध्यस्थ मंडळाकडून सांगण्यात आले. ही खेतवाडीतील ३१ गणेशोत्सव मंडळांशी संलग्न असलेली संस्था आहे.

‘मुंबईचा राजा’ गणेशगल्ली सुद्धा वर्गणी नाही काढणार
याच महिन्यात लालबाग सार्वजनिक उत्सव मंडळ गणेशगल्लीने सुद्धा यंदा लोकांकडून वर्गणी न काढता गणेशोत्सव साजरा करण्याचा निर्णय घेतला आहे. गणेशगल्लीचा गणपती मुंबईचा राजा म्हणून प्रसिद्ध आहे. गणेशोत्सवाच्या काळात दरवर्षी लाखो लोक गणेश गल्लीत दर्शनासाठी येत असतात. करोना व्हायरसने लोकांच्या उत्पन्नावर मोठा परिणाम केला आहे. त्यामुळे मंडळयाच्या पदाधिकाऱ्यांनी यंदा वर्गणी न काढता उत्सव साजरा करण्याचा निर्णय घेतला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 31, 2020 2:01 pm

Web Title: parel raja narepark ganesh mandal important decision dmp 82
टॅग Coronavirus
Next Stories
1 नायर रुग्णालयात २०५ करोना बाधित मातांनी दिला २११ बाळांना जन्म!
2 Coronavirus : मुंबईत १५१० नवे रुग्ण,५४ जणांचा मृत्यू 
3 कमी वेळेत रेल्वेची मोठी कामगिरी 
Just Now!
X