पश्चिम रेल्वेमार्गावरील विरार रेल्वे स्थानकात सोमवारी सकाळी एका माथेफिरू तरुणाने एका प्रवाशाची चाकून भोसकून निर्घूण हत्या केल्याची घटना घडली. या धक्कादायक घटनेमुळे रल्वे स्थानक परिसरात एकच खळबळ माजली. माथेफिरू तरुणाला ताब्यात घेण्यात पोलिसांना यश आले असून, प्राथमिक अंदाजानुसार तो मनोरुग्ण असल्याचे समजते. विरार रेल्वे स्थानकात सकाळी गर्दीच्या वेळी माथेफिरू तरुणाने अचानक एका प्रवाशावर चाकून वार करण्यास सुरूवात केली. यात प्रवासी गंभीर जखमी झाला आणि मोठ्या प्रमाणात रक्तस्त्राव झाल्याने रुग्णालयात दाखल होण्यापूर्वीचा त्याचा मृत्यू झाला. मृत प्रवाशाची ओळख अद्याप पटली नसून पोलीस तपास करत आहेत.