News Flash

रुग्ण दगावल्याने संतप्त नातेवाईकांचा राजावाडी रुग्णालयात धुमाकूळ

राजावाडी रुग्णालयात दाखल करण्यात आलेल्या राज सुब्रह्मण्यम या १७ वर्षीय तरुणाचा मृत्यू झाल्याने संतप्त झालेल्या त्याच्या नातेवाईकांनी रविवारी

| November 4, 2013 03:26 am

राजावाडी रुग्णालयात दाखल करण्यात आलेल्या राज सुब्रह्मण्यम या १७ वर्षीय तरुणाचा मृत्यू झाल्याने संतप्त झालेल्या त्याच्या नातेवाईकांनी रविवारी दुपारी रुग्णालयाची नासधूस करत डॉक्टरांना मारहाण केली. यात रुग्णालयातील अपघात विभागाचेही नुकसान झाले आहे.
रविवारी दुपारी सव्वातीन वाजण्याच्या सुमारास नातेवाईकांनी राजला राजावाडी रुग्णालयात आणले. घाटकोपर येथील गरोडिया नगराजवळील ९० फूट रस्त्याजवळ त्याला बसने धडक दिली होती. अपघात विभागात कार्यरत असलेल्या डॉक्टरांनी त्याला तपासून तो आणण्यापूर्वीच मृत झाल्याचे जाहीर केले. मात्र या बातमीने चिडलेल्या नातेवाईकांनी डॉक्टरांना मारहाण करण्यास व रुग्णालयाची नासधूस करण्यास सुरुवात केली. रुग्णालयातील सुरक्षा अधिकाऱ्यांनी हस्तक्षेप करत जमावाला थांबवण्याचा प्रयत्न केला. दरम्यान, टिळकनगर पोलीस ठाण्याला घटनेची माहिती दिल्यानंतर पोलीस घटनास्थळी दाखल झाले.
‘तरूण मृत झाल्याचे कळल्यावर नातेवाईकांनी अपघात विभागाचा काचेचा दरवाजा फोडला. तसेच अपघात विभागाचे मुख्य वैद्यकीय अधिकारी डॉ. काशीनाथ जाधव यांच्या डोक्यावर वार केला,’
अशी माहिती रुग्णालयाचे वरीष्ठ वैद्यकीय अधिकारी डॉ. अनिल चोपडे यांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 4, 2013 3:26 am

Web Title: patient died in hospital relative clash with administration
Next Stories
1 लक्ष मंगळाकडे!
2 वरदायिनी कोयनेतून उमटणार ‘लक्ष्मीची पावले’
3 कृष्णा खोरे चौकशीस १४ वर्षांनी मुहूर्त
Just Now!
X