टीव्ही अभिनेत्रीचे फेसबुक, इन्स्टाग्राम व आयक्लाउड हॅक करून तिची वैयक्तिक माहिती, छायाचित्र आणि ध्वनिचित्रफीत व्हॉट्सअ‍ॅपवर अपलोड करणाऱ्या अल्पवयीन मुलाला पालिसांनी ताब्यात घेतले आहे. त्याच्यावर माहिती तंत्रज्ञान अधिनियमानुसार गुन्हा दाखल झाला आहे. खाती हॅक करून त्याच्यातील काही माहिती उघड केल्यानंतर त्या अल्पवयीन मुलाने माझ्याकडे आणखी काही छायाचित्र असल्याचे सांगून महिलेकडून पाच लाख रुपयांची खंडणी मागितली. पैसे न दिल्यास खासगी छायाचित्रे इतर सर्व समाजमाध्यमांवर शेअर करून बदनामी करण्याची धमकीही त्याने दिली. या महिलेने २५ डिसेंबर रोजी बांगुरनगर पोलीस ठाण्यात या संदर्भात तक्रार नोंदविली. उत्तर प्रादेशिक विभागाचे अपर पोलीस आयुक्त फत्तेसिंग पाटील यांच्या देखरेखीखाली ही कारवाई करण्यात आली.
