नववर्षाच्या पूर्वसंध्येला मुंबई पोलिसांनी अंमली पदार्थ तस्करांना अटक केली. मोहम्मद इस्माइल गुलाम हुसैन आणि दयानंद माणिक मुद्दानर अशी या दोघांची नावं आहेत. या दोघांकडून पोलिसांनी २० किलो ३४८ ग्रॅम एफेड्रीन ड्रग जप्त केले. या ड्रगची किंमत सुमारे ३ कोटी ४ लाख ५ हजार इतकी आहे. आंबोली पोलीस ठाण्याचे पोलीस निरीक्षक दया नायक आणि त्यांच्या पथकाने ही कारवाई केली. या दोघांकडे अंमली पदार्थासह १५ हजार ७४० रुपयांची रोकड ही सापडली. सदर एफेड्रीन हे ३१ डिसेंबरच्या पार्टीच्या पार्श्वभूमीवर आणले होते असे या दोघांनी चौकशीत सांगितले आहे. सदर साठा कुणाला देण्यासाठी आणि कुणाकडून आणल्या याचा शोध आणि चौकशी आंबोली पोलीस ठाण्याचे पोलीस निरीक्षक दया नायक करत आहेत.
