07 March 2021

News Flash

पालिकेत दरवाढीचे राजकारण

केंद्र सरकारने रेल्वे भाडेवाढीची घोषणा केल्यानंतर २५ जूनपूर्वी पास काढण्यासाठी प्रवाशांची धावपळ उडाली होती. तर दुसरीकडे पालिकेत भाडेवाढीवरून राजकारण तापले.

| June 25, 2014 12:04 pm

केंद्र सरकारने रेल्वे भाडेवाढीची घोषणा केल्यानंतर २५ जूनपूर्वी पास काढण्यासाठी प्रवाशांची धावपळ उडाली होती. तर दुसरीकडे पालिकेत भाडेवाढीवरून राजकारण तापले. या राजकारणात प्रवाशांचा प्रश्न बाजूला पडला आणि सत्ताधारी व विरोधी पक्षामध्ये आरोप-प्रत्यारोपांच्या फैरी झडल्या. भाडेवाढीला विरोध करणाऱ्या शिवसेनेच्या खासदारांची पाठ थोपटून मनसेने भाजपला चिमटे काढले. हा प्रश्न पालिकेच्या अखत्यारित नसतानाही निषेधाच्या घोषणा देत काँग्रेस आणि राष्ट्रवादीच्या नगरसेवकांनी सभात्याग केला.
भाजपचे सरकार सत्तेवर आल्यानंतर पंतप्रधान नरेंद्र मोदी यांनी रेल्वे भाडेवाढ करून प्रवाशांचे कंबरडे मोडल्याची टीका करीत विरोधी पक्षनेते देवेंद्र आंबेरकर यांनी केंद्र सरकारचा निषेध केला. आंबेरकर यांनी भाडेवाढीविरोधात केलेल्या निवेदनावर समाजवादी पार्टीचे नगरसेवक याकूब मेमन यांनी काँग्रेसचा समाचार घेतला. पालिकेच्या अखत्यारित नसलेला भाडेवाढीचा मुद्दा उपस्थित करून काँग्रेस राजकारण करीत असल्याचा आरोप मेमन यांनी केला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 25, 2014 12:04 pm

Web Title: politics in bmc over rail fare hike
टॅग : Bmc,Rail Fare Hike
Next Stories
1 आयआयटीच्या संकेतस्थळात बिघाड
2 म्हाडा घरांची आज सोडत
3 संक्षिप्त : उल्हास नदीत तिघे बुडाले
Just Now!
X