भावातील तेजीमुळे ग्राहकांचा निरुत्साह

मुंबई :  दसरा सणानिमित्त सोन्याच्या दागिन्यांच्या खरेदीसाठी सराफा दुकानात ग्राहकांची रविवारी लगबग होती, मात्र करोनाचे संकट आणि दुसरीकडे सोन्याच्या भावातील तेजीमुळे सोने खरेदी ग्राहकांच्या आवाक्याबाहेर गेल्याने मागणी काहीशी घटली आहे.

death certificate in Medical in Nagpur
नागपुरातील मेडिकलमध्ये मृत्यू प्रमाणपत्रासाठी ५८ दिवसांची फरफट.. अधिकारी, कर्मचाऱ्यांचा असा गोंधळ..
Index Sensex falls to 73 thousand level print eco news
नफावसुलीमुळे ‘सेन्सेक्स’ ३५२ अंश माघारी
Nifty hit a high of 22297 points eco news
निफ्टीची २२,२९७ अंशांची उच्चांकी दौड
Blood sugar control
बाजारात मिळणाऱ्या ब्रेड्सपैकी कोणते ब्रेड्स खाल्ल्याने रक्तातील साखरेची पातळी नियंत्रित ठेवता येईल? तज्ज्ञांचा सल्ला वाचा

गेल्या वर्षी दसऱ्याच्या दिवशी सोन्याचे दर प्रति तोळा ३८ हजार रुपये होते, तर यंदा ते वाढून ५१ हजार रुपयांपर्यंत पोहचले आहेत. सोन्यातील भाववाढीमुळे ग्राहकांचेही गणित कोलमडले आहे. त्यामुळे मोठे हार, दागिने खरेदीऐवजी छोटे दागिने खरेदीकडे ग्राहकांनी मोर्चा वळविला आहे. तसेच करोनाचा धोका टळला नसल्याने भविष्याची चिंताही अद्याप दूर झाली नाही. भाव वाढल्याने एवढी गुंतवणूक अनेकांना शक्य होत नसून, याचा परिणामही खरेदीवर जाणवत असल्याचे सराफा दुकानदार सांगतात.

सोन्याचा दर वाढल्याने सोन्याचे हार, मोठे दागिने करण्याआधी ग्राहकांकडून विचार केला जात आहे. मात्र सोन्याची नाणी खरेदी करण्याकडे ग्राहकांचा कल आहे.  बाजारातील मागणी घटलेली असून यंदा दसऱ्याला २५ टक्के च प्रतिसाद असल्याचे, दादर येथील एम. व्ही. पेंडूरकर आणि कंपनीचे अजित पेंडूरकर यांनी सांगितले. तर ‘करोना, टाळेबंदी, नोकरकपात आदींचा परिणाम अनेकांवर झाला. त्यातच सार्वजनिक वाहतूक मर्यादित असल्याने दादरमधील दुकानात खरेदीसाठी येण्यात ग्राहकांना अडचणी होत्या. सध्या ग्राहकांकडून ३ ते ८ ग्रॅम वजनापर्यंतच्या आणि ३० ते ४० हजार बजेटमधील दागिन्यांना मागणी असल्याची माहिती मंगलमूर्ती ज्वेलर्सचे दीपक देवरुखकर यांनी दिली.

‘दसऱ्याच्या मुहूर्तावर लोक खरेदीसाठी बाहेर पडले आहेत. पुढे लग्न मुहूर्त आहेत. त्यामुळे या लग्नसमारंभाच्या निमित्तानेही काही ग्राहक ‘आगाऊ नोंदणी’ (प्री बुकिंग) करत आहेत. ‘वर्क फ्रॉम होम’ असल्याने महिलांकडून ‘लाईट वेट’ दागिन्यांना चांगली मागणी आहे. दसऱ्यानिमित्त मुंबईसारख्या महानगरांमध्ये मागील वर्षीच्या तुलनेत ५० ते ६० टक्के  प्रतिसाद आहे. तर छोटी शहरे आणि ग्रामीण भागातून मागणी चांगली असून गेल्या वर्षीची विक्रीची पातळी गाठली जाईल,’ अशी माहिती इंडियन बुलियन अँड ज्वेलर्स असोसिएशनचे (आयबीजेए) संचालक आणि पीएनजी ज्वेलर्सचे अध्यक्ष आणि व्यवस्थापकीय संचालक डॉ. सौरभ गाडगीळ यांनी दिली.

उत्साह का आटला?

’  सोन्याचे दर प्रति तोळा ३८ हजार रुपये होते, तर यंदा ते वाढून ५१ हजार

’  सोन्यातील भाववाढीमुळे ग्राहकांचेही गणित कोलमडल

’ मोठे हार, दागिने खरेदीऐवजी छोटे दागिने खरेदीकडे ग्राहकांचा मोर्चा

’ करोनाचा धोका टळला नसल्याने ग्राहकांना भविष्यातील खर्चाची चिंता