राज्यात सर्वत्र मोसमीपूर्व पाऊस १ आणि २ जूनला कोसळण्याची शक्यता हवामान विभागाने वर्तवली आहे. तसेच राज्यात पाऊस सरासरी किंवा त्यापेक्षा अधिक असेल. यावर्षी सर्वसाधारणपणे राज्यात ११ जूनला पावसाची सुरुवात होईल. त्याचा परतीचा प्रवास नेहमीपेक्षा थोडा रेंगाळून ८ ऑक्टोबरला सुरु होण्याची शक्यता आहे. अल निनोचा प्रभाव पावसावर पडणार नसल्याचे हवामान विभागाने सांगितले. यावर्षी मराठवाडय़ात सर्वसामान्य तर विदर्भात सामान्यपेक्षा कमी पाऊस होण्याची शक्यता हवामान विभागाने वर्तवली आहे.