News Flash

स्वामिनाथन यांना राष्ट्रपतीपदाचे उमेदवार घोषित करावे: शिवसेना

एनडीएसमोर ठेवला प्रस्ताव

Uddhav Thackrey : शिवसेनेने मंगळवारी आगामी लोकसभा आणि विधानसभा निवडणूक स्वबळावर लढण्याची घोषणा केल्यानंतर भाजपाच्या नेत्यांनी तात्काळ नेत्यांनी प्रतिक्रिया व्यक्त केली. शिवसेना स्वबळाची भाषा करत असेल तर २०१९ च्या लोकसभा आणि विधानसभा निवडणुकीसाठी भाजपा तयार आहे. यात नुकसान झालं तर ते शिवसेनेचंच होईल, असे भाजप नेत्यांनी म्हटले होते. भाजप नेत्यांच्या या विधानांना अग्रलेखातून प्रत्युत्तर देण्यात आले आहे.

राष्ट्रपतीपदाची निवडणूक पुढील महिन्यात होणार असून, उमेदवाराच्या नावाला समर्थन मिळवण्यासाठी भाजपचे जोरदार प्रयत्न सुरु असतानाच, मित्रपक्ष असलेल्या शिवसेनेचे मन वळवणे भाजपसाठी कठिण जाणार आहे, असे दिसते. राष्ट्रपतीपदाच्या उमेदवारासाठी काँग्रेससह विरोधी पक्ष आणि भाजपसह एनडीएतील घटक पक्षांमध्ये जोरबैठका सुरू असतानाच शिवसेनेने ज्येष्ठ कृषी शास्त्रज्ञ एम. एस. स्वामीनाथन यांचे नाव राष्ट्रपतीपदाच्या उमेदवारासाठी पुढे केले आहे. एनडीएने राष्ट्रपतीपदासाठी स्वामीनाथन यांच्या नावाची घोषणा करावी, असे शिवसेनेने म्हटले आहे.

शिवसेनेने राष्ट्रपतीपदासाठी सरसंघचालक मोहन भागवत यांचे नाव पुढे केले होते. त्यानंतर भागवत यांनी आपण राष्ट्रपतीपदाच्या शर्यतीत नसल्याचे स्पष्ट केले होते. पण शिवसेनेने पुन्हा त्यांचेच नाव पुढे केले होते. हिंदू राष्ट्राचे स्वप्न पूर्ण करण्यासाठी भागवत यांनी राष्ट्रपतीपदाच्या निवडणुकीत उतरावे, असे मत शिवसेना पक्षप्रमुख उद्धव ठाकरे यांनी मांडले होते. राष्ट्रीय स्वयंसेवक संघाचे अनेक पदाधिकारी भाजप शासित राज्यांमध्ये राज्यपाल आहेत. मग भागवत यांनी राष्ट्रपती व्हायला काय हरकत आहे, असे ते म्हणाले होते. त्यावर पुन्हा आपण राष्ट्रपतीपदासाठी इच्छुक नसल्याचे भागवत यांनी स्पष्ट केले होते. त्यामुळे आता शिवसेनेने स्वामिनाथन यांचे नाव पुढे केले आहे. राष्ट्रपतीपदाच्या निवडणुकीत एनडीएचे उमेदवार म्हणून सरसंघचालक मोहन भागवत यांना आपली पहिली पसंती आहे. पण त्यांच्या नावावर शिक्कामोर्तब करायचे नसेल तर एनडीएने प्रसिद्ध कृषी शास्त्रज्ञ डॉ. एम. एस. स्वामीनाथन यांना राष्ट्रपतीपदाचे उमेदवार घोषित करावे, अशी आमची मागणी असल्याचे शिवसेना खासदार संजय राऊत यांनी सांगितले. दरम्यान, भाजप अध्यक्ष अमित शहा मुंबई दौऱ्यावर असून शिवसेना पक्षप्रमुख उद्धव ठाकरे यांची भेट घेणार आहेत. या भेटीत शिवसेनेच्या या प्रस्तावावर ते काय निर्णय घेतात, याकडे सर्वांचे लक्ष लागले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 16, 2017 4:03 pm

Web Title: presidential election 2017 shivsena proposes name to m s swaminathan for nda president candidate
Next Stories
1 अमित शहा मुंबईत दाखल; शिवाजी पार्कात बाळासाहेबांना अभिवादन
2 1993 Mumbai Blasts Case: अबू सालेम आणि मुस्तफा डोसासह सहा जण दोषी
3 दीनदयाळ उपाध्याय यांच्यावरील एका पुस्तिकेसाठी राज्य सरकार मोजणार ४५०० रूपये
Just Now!
X