News Flash

मुंबई : पुढचे काही तास वादळी पावसाचे असण्याची शक्यता

पुढच्या काही तासात मुंबईसह कोकण, गोवा पट्टयात मुसळधार पाऊस कोसळणार असल्याचा अंदाज स्कायमेटने वर्तवला आहे. सोसाटयाच्या वाऱ्यासह वादळी स्थिती निर्माण होईल असे स्कायमेटने म्हटले आहे.

संग्रहित छायाचित्र

पुढच्या काही तासात मुंबईसह कोकण, गोवा पट्टयात मुसळधार पाऊस कोसळणार असल्याचा अंदाज स्कायमेटने वर्तवला आहे. सोसाटयाच्या वाऱ्यासह वादळी स्थिती निर्माण होईल असे स्कायमेटने म्हटले आहे. स्कायमेट हे हवामान विषयक माहिती देणारे संकेतस्थळ आहे. दक्षिण कोकण आणि गोव्यामध्ये तयार होणाऱ्या वादळी स्थितीमुळे पावसाचा जोर वाढणार असल्याचे म्हटले आहे.

मागच्या काही दिवसांपासून केरळमध्ये मुसळधार पाऊस कोसळत आहे. त्यामुळे तिथे काही भागात पूरस्थिती निर्माण झाली आहे. पण आता केरळ आणि दक्षिण कर्नाटकमध्ये पावसाचे प्रमाण कमी होईल. ४८ तासानंतर पाऊस अधिक गती पकडेल आणि संपूर्ण पश्चिम किनारपट्टी उत्तर कोकण ते केरळमध्ये मुसळधार पाऊस कोसळले असा स्कायमेटचा अंदाज आहे. कोकणात जोरदार पाऊस कोसळत आहे पण मुंबईत अजूनही म्हणावा तसा पाऊस झालेला नाही.

दक्षिण कोकण आणि कर्नाटकच्या किनारपट्टी भागात मुसळधार पाऊस कोसळेल. मागच्या २४ तासात गोवा पणजी येथे १५५ मिमि, रत्नागिरी १४५ मिमि, मंगळुरु ११५ मिमि, कारीपूर ७८ मिमि, कोची ७३ मिमि, कन्नूर ४९ मिमि पावसाची नोंद झाली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 21, 2018 5:58 pm

Web Title: rain in mumbai goa kokan sktmet
Next Stories
1 वीज कोसळून उस्मानाबादमध्ये दोन शेतमजूर महिलांचा मृत्यू
2 लिफ्टमध्ये महिलेला नको तिथे स्पर्श करुन विनयभंग, बोरीवलीतील टॉवरमधील घटना
3 मुंबईतील सेंट झेवियर्स कॉलेजच्या अल्पसंख्यांक विद्यार्थ्यांच्या कट ऑफमध्ये तीन टक्क्यांची वाढ
Just Now!
X