अंधेरी येथे आपल्या घराबाहेर खेळणाऱ्या दोन अल्पवयीन मुलींना चॉकलेट आणि आईस्क्रीमचे आमीष दाखवून त्यांच्यावर बलात्कार करणाऱ्या ४० वर्षीय इसमास आंबोली पोलिसांनी अटक केली. या इसमाने यापूर्वीही एका लहान मुलीवर लैगीक अत्याचार केल्याचे उघडकीस आले आहे. अंधेरी येथे राहणाऱ्या दोन आठ वर्षांच्या मुली आपल्या इमारतीजवळ खेळत होत्या. त्यावेळी शहजाद अन्सारी (४०) हा तेथे आला आणि त्याने या दोघींना चॉकलेट व आईस्क्रीम देण्याचे आमीष दाखविले. दुकानात नेण्याच्या बहाण्याने त्याने या दोघींना जवळच्या इमारतीत नेले आणि दोघींवर बलात्कार केला. घडला प्रकार कुणालाही सांगू नका असा दमही त्याने या दोघींना दिला. या दोघींनी आपल्या पालकांना घडलेला प्रकार सांगितला.
