ऊर्जा विभागाच्या महापारेषण या वीज कंपनीत सुमारे ८५०० तांत्रिक श्रेणीतील रिक्त पदे भरण्याचे आदेश ऊर्जामंत्री डॉ. नितीन राऊत यांनी दिले आहेत.

तांत्रिक संवर्गातील ६७५० पदे व अभियंता संवर्गातील १७६२ पदांची मेगा भरती करण्यासाठी महापारेषण व्यवस्थापन तयारी करीत आहे. या भरती प्रक्रियेत आय.टी.आय. उत्तीर्ण, अभियांत्रिकी पदवीधारकांना सहभागी होता येईल. यंत्रचालक व तंत्रज्ञ संवर्गाचे एकत्रीकरण करण्याचा निर्णयही घेण्यात आला आहे. यामुळे कनिष्ठ कर्मचाऱ्यांच्या पदोन्नतीचा मार्ग मोकळा होणार आहे.