नागपूर येथे लाईव्ह रेडिओ शो दरम्यान २४ वर्षीय रेडिओ जॉकीचा ह्रदयविकाराने मृत्यू झाला. शुभम केचे असे या आरजेचे नाव असून गुरूवारी सकाळी ९.३० च्या सुमारास ही खळबळजनक घटना घडली. शुभम हा नागपूर येथील ९८.३ एफएम वाहिनीत आरजेचे काम करत होता. रोज सकाळी ७ ते ११ त्याचा 'हाय नागपूर' हा शो असतो. गुरूवारी नेहमीप्रमाणे हा शो सुरू असताना तो ९.३० च्या सुमारास ब्रेकदरम्यान स्वच्छतागृहात गेला. ब्रेक उलटून गेल्यानंतरही तो न परतल्याने स्टुडिओतील त्याच्या सहकाऱ्यानी त्याचा शोध सुरू केला. त्यावेळी तो बेशुद्ध अवस्थेत स्वच्छतागृहात आढळला. त्याला लगेचच रूग्णालयात नेण्यात आले. मात्र डॉक्टरांनी त्याला मृत घोषित केले. ऐन उमेदीच्या काळातच शुभमने एक्जिट घेतल्याने नागपुरात हळहळ व्यक्त केली जात आहे. सविस्तर वृत्त लवकरच..
