News Flash

खंडाळ्याजवळ रेल्वेमार्गावर दरड कोसळली; लोणावळ्याकडून मुंबईला जाणारी वाहतूक ठप्प

सलग दुसऱ्या दिवशी शनिवारी रात्री पुणे-मुंबई रेल्वेमार्गावर खंडाळ्याजवळ मोठ्या प्रमाणावर दरड कोसळ्याचे वृत्त आहे. अप आणि मिडल लाईनवर ही दरड कोसळल्याने लोणावळ्याकडून मुंबईला जाणारी वाहतूक

संग्रहित छायाचित्र

सलग दुसऱ्या दिवशी शनिवारी रात्री पुणे-मुंबई रेल्वेमार्गावर खंडाळ्याजवळ मोठ्या प्रमाणावर दरड कोसळ्याचे वृत्त आहे. अप आणि मिडल लाईनवर ही दरड कोसळल्याने लोणावळ्याकडून मुंबईला जाणारी वाहतूक ठप्प झाली आहे. रात्री ८ वाजून ५० मिनिटांनी ही दरड कोसळल्याचे वृत्त एबीपी माझाने दिले आहे. यामुळे कोल्हापूर-अहमदाबाद एक्स्प्रेस खंडाळा स्थानकात थांबवण्यात आली आहे.

दरड कोसळल्याने गेल्या दोन तासापासून कोल्हापूर-अहमदाबाद एक्स्प्रेस खोळंबली असून या मार्गावरील दरड कधीपर्यंत हटवली जाईल, याची माहिती मिळू शकलेली नाही. कालच या मार्गावर दरड कोसळली होती, ती हटवण्यासाटी ६ तासांचा कालावधी लागला होता. दरम्यान, रात्री १ वाजता या मार्गावरुन चेन्नई एक्स्प्रेस रवाना होणार आहे. मात्र, हा मार्ग पूर्णपणे ठप्प झाल्याने रेल्वेचे वेळापत्रक कोलमडण्याची चिन्हे आहेत.

दरम्यान, दरड कोसळल्याच्या या ताज्या घटनेमुळे लोणावळा-कर्जत लोकल रद्द करण्यात आली आहे. लोणावळ्यापासून पुढे वाहतूक बंद असल्याने पुण्याहून लोणावळ्यापर्यंत गाड्या चालू आहेत, मात्र पुण्याहून मुंबईला जाणाऱ्या गाड्या रद्द करण्यात आल्या आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 25, 2018 11:08 pm

Web Title: rocks collapse near khandala railway transport jam to mumbai via lonavla
Next Stories
1 वर्षभर काय करायचे ते करून घ्या, त्यानंतर ‘चुन-चुनके….’; धनंजय मुंडेंचा भाजपाला इशारा
2 पिंपरीत स्वाइन फ्लूमुळे ११ दिवसांत पाच जणांचा मृत्यू
3 गणेशोत्सवाचे जनक भाऊसाहेब रंगारी नव्हे, पुणे महापालिकेने हटवला उल्लेख
Just Now!
X