कल्याण पूर्वेतील सिद्धार्थनगरमधील रेल्वे निवासामध्ये राहणारा रेल्वे सुरक्षा दलाचा जवान राकेशकुमार शर्मा (वय ५३) याने आपल्या २४ वर्षीय सुनेवर बुधवारी बलात्कार केला. त्याला पोलिसांनी अटक केली आहे. न्यायालयाने त्याला चार दिवसांची पोलीस कोठडी सुनावली आहे. मुलगा पुण्याला गेल्याने घरात सून व सासरा राकेशकुमार होते. दुसऱ्या खोलीत सून टीव्ही पाहात होती. त्या वेळी राकेशकुमार तिच्या खोलीत गेला. त्याने ओरडा होऊ नये म्हणून टीव्हीचा आवाज मोठा केला. सुनेवर बलात्कार करून नंतर पळून गेला. वेदना असह्य़ झाल्याने सुनेने पोलीस ठाणे गाठले. सुनेने दिलेल्या तक्रारीनुसार सासऱ्याला अटक करण्यात आली आहे.
