News Flash

याकूबच्या पत्नीस खासदार करण्याची मागणी करणाऱ्या सप नेत्याची हकालपट्टी

मुंबईतील साखळी बॉम्बस्फोटप्रकरणी फाशी झालेल्या याकूब मेमनच्या पत्नीस संसद सदस्य करण्याची मागणी करून राजकीय क्षेत्रात खळबळ माजविणाऱ्या समाजवादी पार्टीच्या नेत्याने आपले पद गमावले आहे.

| August 2, 2015 04:30 am

मुंबईतील साखळी बॉम्बस्फोटप्रकरणी फाशी झालेल्या याकूब मेमनच्या पत्नीस संसद सदस्य करण्याची मागणी करून राजकीय क्षेत्रात खळबळ माजविणाऱ्या समाजवादी पार्टीच्या नेत्याने आपले पद गमावले आहे. पक्षाच्या महाराष्ट्र प्रदेश शाखेचे उपाध्यक्ष मोहंमद फारुख घोसी यांना पदावरून हटविण्यात आले असून त्यांच्यावर शिस्तभंगाची कारवाई करण्याचे संकेतही पक्षश्रेष्ठींनी दिल्याचे वृत्त आहे.
मुंबईतील १९९३ मधील बॉम्बस्फोटप्रकरणी याकूब मेमनबरोबर त्याची पत्नी राहीन याकूब मेमन हिनेही अनेक वर्षे तुरुंगवास भोगला होता, परंतु नंतर न्यायालयाने तिची मुक्तता केली. या अनेक वर्षांच्या तुरुंगवासात असंख्य यातना सोसणारी राहीन ही याकूब मेमनला फाशी दिल्यानंतर आज असाहाय्य बनली आहे.
अशा असाहाय्यांची लढाई आपण लढली पाहिजे व त्यांना साथ दिली पाहिजे. राहीन मेमन यांना संसदेत पाठवून ससंदेत असाहाय्य लोकांचा आवाज उमटविला पाहिजे, अशी मागणी करणारे एक पत्र मोहमद फारुक घोसी यांनी पक्षाध्यक्ष मुलायमसिंह यादव यांना काल पाठविले होते.
घोसी यांच्या या मागणीमुळे खळबळ माजली असतानाच पक्षाने त्याची गंभीर दखल घेऊन घोसी यांच्यावर कारवाई केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 2, 2015 4:30 am

Web Title: samajwadi party leader says make yakubs wife an mp sacked
टॅग : Samajwadi Party
Next Stories
1 ट्विटरचे संकेतस्थळ आता मराठीत
2 बेस्टच्या प्रवासी वाढीसाठी एनएसएसचे विद्यार्थी रस्त्यावर
3 विकास आराखडय़ासाठी२१ ऑगस्टपर्यंत मुदत
Just Now!
X