पंतप्रधान नरेंद्र मोदींसाठी अशिक्षित, अडाणी अशा शब्दांचा वापर करून मुंबई काँग्रेसचे अध्यक्ष संजय निरूपम यांनी नव्या वादाला तोंड फोडलं आहे. भाजपा प्रवक्त्या शायना एनसी यांनी निरूपम यांच्यावर टीका करताना त्यांना मानसिक रोगी असल्याचं म्हटलं आहे. काल संध्याकाळी शायना एनसी यांनी ट्विटरद्नारे निरुपम यांच्यावर टीका केली आहे. Yet another abnoxious comment by a mentally deranged @sanjaynirupam . May be he forgets that @narendramodi is elected by 125 cr Indians who aren’t “unpad or gavar “. @INCIndia is devoid of ideology and relevant questions . Sure citizens will give a befitting reply in 2019 pic.twitter.com/KUXs9m0Q4z — Shaina NC (@ShainaNC) September 12, 2018 मानसिक रोगी संजय निरूपम यांनी पुन्हा एकदा असभ्य टिप्पणी केली आहे. 125 कोटी भारतीयांनी मोदींना निवडून दिलं असून, ते (निवडून देणारे) अशिक्षित आणि अडाणी नाहीयेत याचा कदाचीत निरूपम यांना विसर पडला असावा, असं शायना एनसी यांनी ट्विटरद्वारे म्हटलं आहे. तर भाजपाचे नेते आशिष शेलार यांनीही निरूपम यांच्या वक्तव्याचा समाचार घेतला आणि सभ्य माणसाला न शोभणारे हे वक्तव्य असल्याची टीका त्यांनी केली आहे. काय म्हणाले होते निरूपम - पंतप्रधान मोदींवर काढण्यात आलेला चित्रपट मुलांना दाखवण्याचा प्रयत्न केला जात असून हे अत्यंत चुकीचे आहे. मुलांना राजकारणापासून दूर ठेवले पाहिजे, असे मत व्यक्त करताना निरूपम यांनी जी मुलं शाळा, महाविद्यालयात शिकत आहेत. त्यांना मोदींसारख्या अशिक्षित, अडाणी व्यक्तीबाबत जाणून घेऊन काय मिळणार आहे ? ही अत्यंत लाजीरवाणी गोष्ट आहे की आजही आमच्या देशातील नागरिक आणि मुलांना आमच्या पंतप्रधानांकडे कोणती पदवी आहे याचीच माहीत नाही, असे वक्तव्य संजय निरूपम यांनी केले होते.