28 February 2021

News Flash

मुंबईतील आग दुर्घटनांची न्यायालयीन चौकशी करा

संजय निरुपम यांची मागणी

संजय निरुपम

संजय निरुपम यांची मागणी

अग्निशमन दलाने ‘ना-हरकत’ प्रमाणपत्र दिले नसतानाही आग लागलेल्या इमारतींमध्ये लोक राहायला कसे गेले, असा प्रश्न उपस्थित करीत मुंबई काँग्रेसचे अध्यक्ष संजय निरुपम यांनी आगप्रकरणी न्यायालयीन चौकशी करण्याची मागणी केली.

मुंबईत गेल्या १२ दिवसांमध्ये किमान १२ ठिकाणी आग लागली. त्यांत २० जणांचा मृत्यू झाला. बहुतांश दुर्घटनाग्रस्त इमारतींना अग्निशमन दलाकडून ‘ना-हरकत’ प्रमाणपत्र मिळाले नव्हते. काही इमारतींना निवासी दाखलाही मिळाला नव्हता, असे असताना लोक राहायला कसे गेले, असा प्रश्न निरुपम यांनी विचारला.

पालिका आयुक्त अजोय मेहता यांच्या अखत्यारीत अग्निशमन दल आहे. त्यामुळे या दुर्घटनांची जबाबदारी त्यांच्यावर आहे. म्हणून या प्रकरणांची निवृत्त न्यायाधीशांमार्फत चौकशी करावी, अशी मागणी निरुपम यांनी केली.

कांदिवलीच्या दामुनगरमधील एका कारखान्याला २३ डिसेंबरला लागलेल्या आगीत चार जणांचा मृत्यू झाला. त्यानंतर तीन दिवसांनी चेंबूरमधील ‘सरगम’ सोसायटीमध्ये आग लागली. या आगीत पाच जणांचा मृत्यू झाला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 30, 2018 12:39 am

Web Title: sanjay nirupam on mumbai fire
Next Stories
1 मुंबै बँकेतील सेना-भाजप संघर्ष ‘ईडी’च्या दारात
2 चेंबूरच्या अनाथाश्रमातील दोन बालकांचा मृत्यू
3 माता-बालआरोग्यावर खर्च कमीच!
Just Now!
X