27 January 2021

News Flash

सारथीच्या बैठकीत छत्रपती संभाजीराजेंना तिसऱ्या रांगेत बसवल्याने गोंधळ, अजित पवारांची मध्यस्थी

सारथीच्या बैठकीत मराठा क्रांती मोर्चाच्या समन्वयकांचा गोंधळ

सारथी संस्थेसंदर्भात बोलावलेल्या बैठकीत छत्रपती संभाजीराजे यांना तिसऱ्या रांगेत बसवण्यात आल्याने गोंधळ झाल्याचं पहायला मिळालं. सारथीवरुन वाद निर्माण होऊ लागल्यानंतर उपमुख्यमंत्री अजित पवारांच्या उपस्थितीत बैठक बोलावण्यात आली आहे. या बैठकीसाठी छत्रपती संभाजीराजे यांनाही निमंत्रण देण्यात आलं होतं. बैठकीत छत्रपती संभाजीराजे तिसऱ्या रांगेत बसल्याचं पाहून मराठा क्रांती मोर्चाच्या समन्वयकांनाही नाराजी दर्शवत गोंधळ घातला असल्याची माहिती मराठा क्रांती मोर्चाचे नेते विनोद पाटील यांनी एबीपी माझाशी बोलताना दिली.

मंत्रालयाच्या सहाव्या मजल्यावर सारथीची बैठक बोलावण्यात आली होती. उपमुख्यंत्री अजित पवारही बैठकीला उपस्थित होते. बैठकीत छत्रपती संभाजीराजे तिसऱ्या रांगेत बसलेले पाहून मराठा क्रांती मोर्चाच्या समन्वयकांनाही गोंधळ घालत त्यांना व्यासपीठावर बसवण्याची मागणी करण्यास सुरुवात केली.

सर्वांनी संभाजीराजे यांना मंचावर बसण्याची विनंती केली. मात्र छत्रपती संभाजीराजे यांनी सामंजस्याची भूमिका घेत आपण सारथी संस्थेसंबंधी तोडगा काढण्यासाठी आलो असल्याचं सांगत शांतता राखण्याचं आवाहन केलं. आपणही एक सदस्य म्हणून खालीच बसू अशी भूमिका त्यांनी घेतल्याने प्रकरण शांत झालं आणि बैठकीला सुरुवात झाली.

दरम्यान अजित पवार आणि छत्रपती संभाजीराजे यांची काही मोजक्या प्रतिनीधींसोबत चर्चा सुरु आहे आहे. सभागृहात सुरु झालेली ही बैठक सध्या अजित पवारांच्या दालनात सुरु आहे. मराठा क्रांती मोर्चाचे विनोद पाटील यांनी आज तोडगा निघेल असा विश्वास प्रसारमाध्यमांशी बोलताना व्यक्त केला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 9, 2020 1:03 pm

Web Title: sarathi meeting maratha kranti morcha ncp ajit pawar chhatrapati sambhajiraje sgy 87
Next Stories
1 Coronavirus: मुंबईत चाचण्यांची क्षमता वाढली, आतापर्यंत ३ लाख ६४ हजार चाचण्या
2 Video : केरळशी काहीही संबंध नसलेला मलबार हिलचा रंजक इतिहास
3 साथीच्या आजारांचा ताप
Just Now!
X