मुंबई : करोना लसीकरण केंद्रांवर सध्या लशीचा तुटवडा असल्याने अनेक ठिकाणी गोंधळ होत असल्याने मुंबई पोलीस आयुक्त सध्या विविध लसीकरण केंद्राना भेट देत आहेत. शनिवारी त्यांनी राजावाडी रुग्णालयाला भेट देऊन येथील सुरक्षेचा आढावा घेतला. पूर्व उपनगरातील पालिकेचे सर्वात मोठे असे राजावाडी रुग्णालय असून याठिकाणी देखील रोज आठशे ते हजार जणांना ही मात्रा देण्यात येत आहे. काही दिवसांपूर्वी येथे मोठा गोंधळ झाल्याने पोलिसांनी नागरिकांना बाहेर काढले होते.
