शंकर नम यांनी गेल्या वर्षी शिवसेनेत प्रवेश केला होता. त्यांनी डहाणू मतदारसंघातून निवडणूक लढविली होती, पण ते चौथ्या क्रमाकांवर फेकले गेले होते. कृष्णा घोडा यांच्या निधनाने रिक्त झालेल्या पालघरमध्ये उमेदवारी मिळावी, अशी त्यांची इच्छा होती. पण शिवसेनेने घोडा यांच्या मुलाला उमेदवारी जाहीर केल्याने नम नाराज झाले. यातूनच नम यांनी प्रदेशाध्यक्ष खासदार अशोक चव्हाण यांच्या उपस्थितीत काँग्रेसमध्ये प्रवेश केला.
