राज्याचे मृद व जलसंधारण मंत्री शंकरराव गडाख यांनी शिवसेनेत प्रवेश केला आहे. मुख्यमंत्री उद्धव ठाकरे यांच्या उपस्थितीत मातोश्रीवर हा पक्षप्रवेश पार पडला. उद्धव ठाकरे यांच्या हस्ते शिवबंधन बांधून शंकरराव गडाख यांनी शिवसेनेत जाहीर प्रवेश केला. यावेळी शिवसेनेचे सचिव मिलिंद नार्वेकर उपस्थित होते. शिवसेनेकडून ट्विट करत शंकरराव गडाख यांच्या पक्षप्रवेशाची माहिती देण्यात आली. तसंच शंकरराव गडाख यांनीदेखील ट्विट केलं आहे. "शिवसेना पक्ष हा कष्टकरी शेतकरी, गोरगरीब जनतेच्या प्रश्नांची जाण असणारा पक्ष आहे. त्यामुळे शिवसेना पक्षाच्या विचारधारेशी आमचे विचार जुळत असल्यामुळे व मुख्यमंत्री उद्धव ठाकरे यांच्या प्रति असलेल्या निष्ठा व विश्वासामुळे शिवसेना पक्षात प्रवेश करून यापुढे मुख्यमंत्री उद्धव ठाकरे यांच्या नेतूत्वाखाली माझ्या शेतकरी बांधव व गोरगरीब जनतेच्या हितासाठी सदैव कार्यरत राहील," असं त्यांनी म्हटलं आहे. आज शिवसेना पक्ष प्रमुख, राज्याचे सन्माननीय मुख्यमंत्री उद्धवजी ठाकरे साहेब यांच्या हस्ते मातोश्री निवासस्थानी शिवबंधन बांधून शिवसेना पक्ष प्रवेश केला यावेळी शिवसेना सचिव मिलिंद नार्वेकर उपस्थित होते.@ShivSena @mieknathshinde @Subhash_Desai @NarvekarMilind_ @AUThackeray pic.twitter.com/UQsQT57Bz8 — Shankarrao Gadakh Patil (@GadakhShankarao) August 11, 2020 यापुढे मुख्यमंत्री उद्धवजी ठाकरे साहेब यांच्या नेतूत्वाखाली माझ्या शेतकरी बांधव व गोरगरीब जनतेच्या हितासाठी सदैव कार्यरत राहील.#जयमहाराष्ट्र — Shankarrao Gadakh Patil (@GadakhShankarao) August 11, 2020 विधानसभा निवडणुकीत क्रांतिकारी शेतकरी पक्षाचे उमेदवार शंकरराव गडाख अहमदनगरमधील नेवासा मतदारसंघातून अपक्ष निवडून आले होते. निवडून आल्यानंतर त्यांनी शिवसेनेला पाठिंबा जाहीर केला होता.