News Flash

…अन् आशीष शेलार शरद पवारांना म्हणाले, “मी तुम्हाला नंतर फोन करतो”

दोघांमध्ये हसत हसत बोलणं सुरु होतं

…अन् आशीष शेलार शरद पवारांना म्हणाले, “मी तुम्हाला नंतर फोन करतो”
आशीष शेलार आणि शरद पवार

राष्ट्रवादी काँग्रेसचे अध्यक्ष शरद पवार यांनी बुधवारी राज्यसभेसाठी केंद्रीय निवडणूक आयोगाला उमेदवारी अर्ज सादर केला. महाराष्ट्रातील राज्यसभेच्या सात जागांसाठी निवडणूक होत आहे. राष्ट्रवादी काँग्रेसचे उमेदवार म्हणून पवार यांनी बुधवारी विधान भवनात उमेदवारी अर्ज दाखल केला.

अर्ज दाखल करुन विधान भवनातून बाहेर पडत असताना विधान भवनाच्या पायऱ्यांवरच त्यांची भेट भाजपाचे आमदार आणि नेते आशीष शेलार यांच्याशी झाली. त्यानंतर दोन्ही नेते पायऱ्यांवर उभे राहून एकमेकांशी बराच वेळ चर्चा करत होते. अधिवेशनानिमित्त विधान भवन परिसरामध्ये असणारे शेलार आणि अर्ज भरायला आलेले पवार एकमेकांशी हसत खेळत बोलत होते. दोघांभोवतीही कार्यकर्ते आणि सुरक्षा रक्षकांचा गराडा असल्याचे दिसून आले. यावेळी पायऱ्यांवरुन खाली उतरताना पवारांनी शेलारांचा हात पकडल्याचेही दिसलं. पवार आणि शेलार हसत हसत काहीतरी सांगत असतानाचे चित्र यावेळी दिसले.


दोघांभोवतीची गर्दी वाढत गेल्यामुळे पवारांना शेलारांचा आवाज नीट ऐकू येत नव्हता. पवार आणि शेलार एकत्र आल्याने त्यांच्याभोवतीची गर्दी वाढतच चालली होती. कोण काय बोलत आहे हे समजत नव्हता इतका आवाज दोघांच्या आजूबाजूला होऊ लागला. त्यामुळे शेलारांनी पवारांचा निरोप घेतला. मात्र जाता जाता, ‘मी नंतर फोन करतो,’ असं शेलारांनी पवारांना सांगितलं अन् दोन्ही नेते विरुद्ध दिशेला चालू लागले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 13, 2020 2:23 pm

Web Title: sharad pawar and ashish shelar meet on stairs of vidhan bhavan scsg 91
Next Stories
1 जगभरात विवाहासाठी किमान वयाचा कायदा बनला या मराठी महिलेमुळे
2 माझ्या ‘गो करोना’ घोषणांमुळे महाराष्ट्रात कमी रुग्ण: रामदास आठवले
3 आंदोलनांच्या नियमनासाठी धोरण?
Just Now!
X