News Flash

इंद्राणी मुखर्जीच्या ड्रायव्हरला माफीचा साक्षीदार म्हणून स्विकारण्यास सीबीआय तयार

शीनाची हत्या करण्यात आली तेव्हा आपण तेथे होतो आणि हत्या करण्यास मदतही केल्याचे श्यामवरने सांगितले.

Sheena Bora murder case : हत्याकांडाबाबत सगळे खरे सांगायचे आहे, असा दावा करत माफीचा साक्षीदार बनण्याची इच्छा श्यामवर रायने विशेष न्यायालयासमोर व्यक्त केली होती.

बहुचर्चित शीना बोरा हत्याकांडातील आरोपी आणि इंद्राणी मुखर्जीचा माजी वाहन चालक श्यामवर राय याला माफीचा साक्षीदार करण्यास कोणतीही हरकत नसल्याचे सीबीआयने सोमवारी मुंबई उच्च न्यायालयाला सांगितले. श्यामवर राय याने मे महिन्यात माफीचा साक्षीदार होण्यासाठी याचिका दाखल केली होती. मात्र, सीबीआयने या याचिकेवर विचार करण्यासाठी न्यायालयाकडून वेळ मागून घेतला होता. अखेर आज सीबीआयने श्यामवर रायला माफीचा साक्षीदार करवून घेण्यास तयार असल्याचे सांगितले. यापूर्वी १० मे रोजी श्यामवर रायला न्यायालयात हजर करण्यात आले होते. त्यावेळी या हत्याकांडाबाबत सगळे खरे सांगायचे आहे, असा दावा करत माफीचा साक्षीदार बनण्याची इच्छा श्यामवर रायने विशेष न्यायालयासमोर व्यक्त केली होती.

हत्याकांडाचे सत्य उघड करण्यासाठी आपल्यावर कुणीही दबाव टाकलेला नाही वा कुणी आपल्याला धमकावलेले नाही. उलट केलेल्या कृत्याचा आपल्याला पश्चात्ताप होत असल्यानेच आपण माफीचा साक्षीदार बनून शीना हत्याकांडाचा कर्ताकरविता कोण, ते कसे घडले आणि गुन्ह्याचे भागीदार कसे बनलो हे सांगण्यास तयार आहोत, असे राय याने न्यायालयाला सांगितले. शीनाची हत्या करण्यात आली तेव्हा आपण तेथे होतो आणि हत्या करण्यास मदतही केल्याचे सांगितले. शीनाची गळा दाबून हत्या केल्याचेही त्याने न्यायालयाला सांगितले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 6, 2016 2:43 pm

Web Title: sheena bora murder case no objection to former driver turning approver says cbi
टॅग : Cbi,Indrani Mukerjea
Next Stories
1 maharashtra ssc result 2016 : दहावीच्याही निकालाची टक्केवारी घसरली, कोकण विभाग ठरला अव्वल
2 शिवसेनेच्या वाटेला जाणारे इतिहासजमा झाले; सेनेचा खडसेंना टोला
3 ज्येष्ठ अभिनेत्री सुलभा देशपांडे यांच्या पार्थिवावर अंत्यसंस्कार
Just Now!
X