News Flash

जीएसटीचा जल्लोष करणाऱ्यांनो, मुंबईत दुसरा कसाब घुसणार नाही याची खबरदारी घ्या: शिवसेना

भाजपचे नाव न घेता लगावला टोला

Shiv Sena , AIMIM , Bal Thackeray memorial, Aurangabad , akbaruddin owaisi, Loksatta, Loksatta news, Marathi, marathi news
Bal Thackeray memorial in Aurangabad: महानगरपालिकेच्या स्थायी समितीच्या बैठकीत एमआयएम नगरसेवकाने विरोध दर्शवत विषय पत्रिका फाडली.

देशभरात जीएसटी अर्थात वस्तू व सेवा कराची अंमलबजावणी सुरू झाली आहे. जीएसटीच्या अंमलबजावणीमुळे मुंबईच्या वेशीवरील जकात नाके बंद पडले आहेत. नाक्यांवरील अधिकारी आणि पोलिसांना हटवण्यात आले आहे. बंदोबस्त नसल्यामुळे मुंबईच्या प्रवेशद्वारांवरील सुरक्षेलाच भगदाड पडले आहे. त्यामुळे जीएसटीचा जल्लोष करणाऱ्यांनी मुंबईत दुसरा एखादा कसाब घुसणार नाही, याची खबरदारी घ्यावी, असा सल्ला शिवसेनेने भाजपला दिला आहे.

जीएसटीमुळे मुंबईच्या प्रवेशद्वारांवरील जकात नाके बंद झाले आहेत. त्यामुळे मुंबईच्या सुरक्षिततेच्या मुद्द्यावरून शिवसेनेचे खासदार संजय राऊत यांनी पत्रक काढून भाजपवर अप्रत्यक्ष निशाणा साधला आहे. मुंबईसह देशभरात जीएसटीची अंमलबजावणी सुरू झाली आहे. त्यामुळे जकात नाक्यांवरील वसुली थांबवण्यात आली आहे. जकात नाक्यांवरील बंदोबस्त हटवण्यात आला आहे. त्यामुळे सुरक्षिततेचा प्रश्न निर्माण होण्याची शक्यता आहे. मुंबईत दिवसाढवळ्या प्रवेश करणे दहशतवाद्यांसाठी सोपे झाले आहे. मुंबईच्या प्रवेशद्वारांवरील सुरक्षेलाच भगदाड पडले आहे. त्यामुळे कुणीही घुसून घातपात घडवू शकतो, अशी भीती त्यांनी व्यक्त केली आहे.

शिवसेनेच्या पाठिंब्याने संसदेत जीएसटी विधेयकाला मंजुरी मिळाली आहे. मुंबई महानगरपालिकेची आर्थिक घडी विस्कटू नये, यासाठी विधेयकात आवश्यक त्या तरतुदी शिवसेनेने करुन घेतल्या आहेत. मात्र जकात नाक्यांवरील बंदोबस्त हटवण्यात आल्यामुळे मुंबईतील सुरक्षेलाच भगदाड पडले आहे. हे भगदाड बुजवण्यासाठी तातडीने ठोस उपाय करायला हवेत. जीएसटीचा जल्लोष करणाऱ्यांनी मुंबईची काळजी घ्यावी. मुंबईत दुसरा एखादा कसाब घुसणार नाही याची खबरदारी घ्यावी, असा सल्लाही त्यांनी दिला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 1, 2017 8:41 pm

Web Title: shiv sena attack on bjp over gst concerned about mumbai security
Next Stories
1 कुर्ला-टिळकनगर स्थानकादरम्यान तांत्रिक बिघाड, हार्बर मार्गावरील रेल्वे सेवा विस्कळीत
2 कर्जमाफीसाठी बिनव्याजी हप्ते पाडून देण्यास बँकांचा नकार
3 मुख्यमंत्र्यांनंतर मुनगंटीवारांचे ‘वनयुक्त शिवार’
Just Now!
X