20 January 2018

News Flash

आरोप करायचे अन् राजीनामा मागायचा हे चुकीचे: उद्धव ठाकरे

आरोप करणारे हे स्वत: भ्रष्टाचाराच्या आरोपांमध्ये गुंतले आहेत.

मुंबई | Updated: August 12, 2017 3:37 PM

Shivsena : भाजप नेतृत्वासमोर राहुल गांधी, हार्दिक पटेल वगैरे कोण? ही तर माकडेच आहेत अशा ज्या वल्गना शेवटपर्यंत सुरू होत्या त्या मोडीत निघाल्या आहेत. पुन्हा ज्यांनी या वल्गना केल्या त्यांना काठावर पास होऊनही ‘डिस्टिंक्शन’ मिळवल्याचे उसने अवसान आणावे लागत आहे. हे चित्र केविलवाणे आहे.

केवळ आरोप करायचे आणि राजीनामे घ्यायचे, हा पायंडा राज्यासाठी हिताचा नाही, असे सांगत शनिवारी शिवसेना पक्षप्रमुख उद्धव ठाकरे यांनी उद्योगमंत्री सुभाष देसाई यांची पाठराखण केली. भ्रष्टाचाराने बरबटलेल्या विरोधकांनी ज्या पद्धतीने आरोप केले आणि चिखल उडवला, ही गोष्ट लांच्छनास्पद आहे. आरोप करणारे हे स्वत: भ्रष्टाचाराच्या आरोपांमध्ये गुंतले आहेत. हे घोटाळेबाज लोक तोंड वर करुन आमच्यावर भ्रष्टाचाराचे आरोप करतात, ही गोष्ट लाजिरवाणी असल्याचे उद्धव यांनी म्हटले.

गेल्या काही दिवसांत होत असलेल्या आरोपांच्या पार्श्वभूमीवर काल सुभाष देसाई माझ्याकडे आले. त्यांनी संपूर्ण प्रकरण मला सांगितले. मुख्यमंत्र्यांनी निष्पक्षपातीपणे चौकशी करण्याचे वचन विधानसभेत दिल्याचे देसाईंनी सांगितले. एक शिवसैनिक म्हणून मी पदाला चिकटून राहणार नाही, मी राजीनामा देऊन मोकळा होतो. मंत्री म्हणून दबाव येऊ नये. कोणाला वाटत असेल तर मी राजीनामा देतो. त्याम मी त्यांना मुख्यमंत्र्यांकडे जाऊन राजीनामा द्यायला सांगितले. त्यानुसार आज देसाई मुख्यमंत्र्यांना भेटले होते, अशी माहिती उद्धव यांनी दिली.

या प्रकरणी माझे मुख्यमंत्र्यांशीही बोलणे झाले. तेव्हा मुख्यमंत्र्यांनी असे म्हटले की, ‘चोर तो चोर वर शिरजोर’ अशी विरोधकांची प्रवृत्ती आहे. या सगळ्यांचे हात भ्रष्टाचाराने बरबटलेले आहेत. त्यामुळे आता स्वत:च्या बचावासाठी सर्व विरोधक आक्रमकतेचा आव आणत आहेत. या दबावाला बळी पडता कामा नये. त्यामुळे विरोधकांनी आरोप केले असतील तर आपण त्याची आरोपांची चौकशी करू. जे काही सत्य असेल ते जनतेसमोर येईल, असे मुख्यमंत्र्यांनी म्हटल्याची माहिती उद्धव यांनी दिली.

उद्योगमंत्री सुभाष देसाई यांच्यावर जमीन घोटाळ्याचा आरोप विरोधकांनी केल्यानंतर या प्रकरणाची चौकशी करण्याचे आदेश मुख्यमंत्री देवेंद्र फडणवीस यांनी दिले आहेत. या पार्श्वभूमीवर देसाई यांनी आज सकाळी फडणवीस यांची भेट घेऊन चर्चा केली. त्यानंतर त्यांच्याकडे मंत्रिपदाचा राजीनामा सोपवला. पण त्यांनी तो स्वीकारला नाही. देसाई यांनीच ही माहिती माध्यमांना दिली.

First Published on August 12, 2017 3:30 pm

Web Title: shiv sena chief uddhav thackeray support subhash desai after scam allegations
  1. Mitali Rathi
    Aug 13, 2017 at 12:36 am
    हप्ते , खंडणी , िदे वगैरे घेणार्याना लाज वाटत नाही , मग घोटाळेबाजांनी तरी लाज का बाळगावी .
    Reply
    1. Shivram Vaidya
      Aug 13, 2017 at 12:03 am
      मुख्यमंत्री महोदय, केवळ खांग्रेस-राष्ट्रवादी खांग्रेसच्या नेत्यांनी बिनबुडाचे आरोप केले म्हणून मंत्र्यांची चौकशी करून त्यांचे मनोब्ल खच्ची करू नका. मात्र आरोपात तथ्य असेल तर मात्र जरूर चौकशी करा. असे म्हणण्याचे कारण म्हणजे असे आरोप करणाऱ्यांचा पूर्वेतिहास सुद्धा बघावा लागतो. ज्यांनी राज्यात त्यांचे सरकार असतांना भ्रष्टाचाराशिवाय दुसरे कोणतेही काम केले नाही. ज्यांनी भ्रष्टाचाराविरुद्ध पुरावे असलेल्या फाईल्स मंत्रालयाला आग लावून नष्ट केल्या, धरणात पाणी नाही मग मी काय तेथे जाऊन मुतू काय अशी उन्मत्त विचारणा महिला असलेल्या जाहीर सभेत केली, ज्यांच्या पक्षाचा एक मंत्री भ्रष्टाचाराच्या आरोपवरून अजुन तुरुंगात आहे, अशांच्या आरोपांना किती किंमत द्यायची हे ठरवलेले चांगले !
      Reply
      1. Sunil Chavan
        Aug 12, 2017 at 10:30 pm
        कोणाचं काय आणि बापटांचं काय! अट्टल भक्त!! उब आणता हो तुम्ही लोक.
        Reply
        1. Shivram Vaidya
          Aug 12, 2017 at 10:00 pm
          सुभाष देसाई आणि प्रकाश मेहता यांनी आपापल्या मंत्रीपदाचा राजीनामा देऊ करून आपले निर्दोषत्वच सिद्ध केले आहे. मात्र घोटाळेबाजीमध्ये हयात गेलेल्या नेत्यांनी केलेल्या आरोपांना किती किंमत द्यायची हे मुख्यमंत्र्यांनीही ठरवायला हवे आहे.
          Reply
          1. B
            baburao
            Aug 12, 2017 at 6:14 pm
            सत्तेत असून असे बोलणे शोभत नाही. आरोप करणारे हे स्वत: भ्रष्टाचाराच्या आरोपांमध्ये गुंतले आहेत तर मग त्यांच्या विषयी इतके दिवस गप्प का बसलात? त्यांना गजाआड पाठवायला भाजपावर दबाव का आणला नाही?
            Reply
            1. Shriram Bapat
              Aug 12, 2017 at 5:49 pm
              या परिस्थितीमुळे शिवसेना आणि भाजप जवळ येतील. शिवसेना भाजपवर बेछूट आरोप करणे सोडेल अशी आशा आहे.
              Reply
              1. Load More Comments