वांद्रे पूर्व मतदारसंघाचे शिवसेनेचे आमदार प्रकाश ऊर्फ बाळा सावंत यांचे येथील हिंदूुजा रुग्णालयात दीर्घ आजाराने निधन झाले. ते ६४ वर्षांचे होते. गेल्या काही दिवसांपासून त्यांचा आजार बळावला होता. गुरुवारी मध्यरात्रीनंतर त्यांनी अखेरचा श्वास घेतला.वांद्रे पूर्व विधानसभा मतदारसंघातून २००९ मध्ये पहिल्यांदा निवडून आलेले बाळा सावंत यांच्यावर शिवसेनाप्रमुख बाळासाहेब ठाकरे यांचा विशेष लोभ होता. गेल्या निवडणुकीत त्यांनी भाजपच्या उमेदवारास पराभूत करून दुसऱ्यांदा विधानसभेची आमदारकी मिळविली.
