News Flash

…म्हणूनच उद्धव ठाकरेंनी माझी नियुक्ती केली आहे, संजय राऊतांनी दिलं उत्तर

"कानाला, पोटाला, डोळ्याला, ह्रदयाला त्रास झालाच पाहिजे"

संग्रहित (PTI)

केंद्राच्या नव्या शेतकी कायद्यांच्या विरोधातील आंदोलन शेतकऱ्यांनी सुरुच ठेवलं आहे. यावरुन शिवसेना खासदार संजय राऊत यांनी टीका केली असून शेतकरी काय दहशतवादी आहेत का? अशी विचारणा मुंबईत प्रसारमाध्यमांशी बोलताना केली आहे. दरम्यान यावेळी त्यांनी भाजपाचे प्रदेशाध्यक्ष चंद्रकांत पाटील यांनी केलेल्या टीकेला उत्तर देताना त्यासाठीच उद्धव ठाकरेंनी आपली नियुक्ती केली असल्याचं म्हटलं.

चंद्रकांत पाटील यांनी संजय राऊतांचं नाव घेतलं की कानाला त्रास होतो अशी टीका केली आहे. त्याला उत्तर देताना म्हटलं आहे की, “चांगली गोष्ट आहे. कानाला, पोटाला, डोळ्याला, ह्रदयाला त्रास झालाच पाहिजे. म्हणूनच माझी नेमणूक उद्धव ठाकरेंनी केली आहे”. उर्मिला मातोंडकरांच्या शिवसेना प्रवेशासंबंधी बोलताना ते म्हणाले की, “त्या शिवसैनिकच आहेत. बहुतेक उद्या प्रवेश करतील. त्यांच्यामुळे महिला आघाडी मजबूत होईल”.

शेतकरी काय दहशतवादी आहेत का? संजय राऊत मोदी सरकारवर संतापले…

पुढे ते म्हणाले की, “जो शेतकरी तुमचा अन्नदाता आहे त्याला तुम्ही दहशतवादी, देशद्रोही म्हणत आहात. पंजाब, हरियाणामधील शेतकरी महाराष्ट्राप्रमाणे आहे. हा देश सुजलाम सुफलाम व्हावा यासाठी ज्यांनी प्रयत्न केला, जी प्रमुख राज्यं आहेत त्यामध्ये महाराष्ट्र, पंजाब आणि हरियाणाचा समावेश आहे. शेतकरी काय दहशतवादी आहेत का?”.

आणखी वाचा- …तर देशाला भारी पडेल, दिल्लीमधील शेतकरी आंदोलनावरुन शिवसेनेचा इशारा

“पंजाबच्या शेतकऱ्यांनी जगासमोर आदर्श ठेवत शांततेत आंदोलन या देशाच्या इतिहासात कधी झालं नव्हतं. ज्याप्रकारे शेतकऱ्यांवर बळाचा वापर केला जातो हा बळाचा वापर जर चीनच्या सीमेवर केला असता तर लडाखमध्ये चीनचं सैन्य घुसलं नसतं,” असा टोलाही संजय राऊत यांनी लगावला आहे.

पुढे ते म्हणाले की, “सर्वांनीच शेतकऱ्यांना समर्थन दिलं पाहिजे. सर्वात आधी पंतप्रधान नरेंद्र मोदींनी समर्थन केलं पाहिजे. शेतकऱ्यांशी तिथे जाऊन चर्चा केली पाहिजे. तुम्ही जेव्हा सत्तेत नव्हता आणि दिल्लीत येण्याचा मार्ग तयार करत होतात तेव्हा याच शेतकऱ्यांवर अत्याचार होणार नाही अशा घोषणा दिल्या होत्या. मग आज दिल्लीच्या सीमेवर आज काय सुरु आहे? शेतकरी दहशतवादी नाही. शेतकरी आहे म्हणून देश आहे”.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 30, 2020 11:00 am

Web Title: shivsena sanjay raut on bjp chandrakant patil uddhav thackeray sgy 87
Next Stories
1 शेतकरी काय दहशतवादी आहेत का? संजय राऊत मोदी सरकारवर संतापले…
2 अभिनेत्रीला लग्नाचं आमिष दाखवून दोन वर्ष केला बलात्कार, पोलीस ठाण्यात तक्रार दाखल
3 नामांकित महाविद्यालयांत प्रवेशासाठी चुरस