मनसे अध्यक्ष राज ठाकरे यांनी ९ फेब्रु्वारीला झालेल्या मनसेच्या महामोर्चादरम्यान एक भाषण केलं. हे भाषण बांगलादेशी आणि पाकिस्तानी घुसखोरांना हाकला ही भूमिका मांडणारं होतं. मात्र या भाषणात त्यांनी असे काही मुद्दे मांडले जे ऐकून ते नेमकं कुणाबाबत बोलले ते अनाकलनीय आहे. ते नेमकी कोणती वाट धुंडाळत आहेत हा प्रश्न पडल्याशिवाय रहात नाही. आझाद मैदानावर त्यांनी सुमारे २० मिनिटं भाषण केलं. या भाषणात त्यांनी बांगलादेशी आणि पाकिस्तानी मुसलमानांना हाकला असं आवाहन केलं. पोलिसांना ४८ तास मोकळे द्या बघा ते कायदा आणि व्यवस्था कशी नीट ठेवतात असंही राज ठाकरे म्हणाले. मात्र आपल्या भाषणातून त्यांनी जे मुद्दे मांडले ते पाहून त्यांना नेमकं काय म्हणायचं होतं हा प्रश्न पडतोच. त्यांच्या भाषणाचा अन्यवार्थ सांगणारा हा खास व्हिडीओ पाहा व्हिडीओ
