News Flash

मुंबईत ‘एनसीबी’च्या कारवाईत अंमली पदार्थांचा साठा जप्त

एक लाख ८५ हजार रुपये रोख रक्कम देखील हस्तगत

मुंबईत ‘एनसीबी’च्या कारवाईत अंमली पदार्थांचा साठा जप्त

ड्रग्स माफियांविरोधात सुरू असलेल्या कारवाई दरम्यान आज मुंबईतील अंमली पदार्थ नियंत्रण विभागाच्या (एनसीबी) विभागीय टीमने आज छापा मारून अंमली पदार्थांचा साठा जप्त केला.

यामध्ये ५९० ग्रॅम हॅशिस, ०.६४ ग्रॅम एलएसडी शीट, ३०४ ग्रॅम मारिजुआना यामध्ये इंम्पोर्टेड मारिजुआना कॅप्सूलचा देखील समावेश होता. याचबरोबर १ लाख ८५ हजार २०० रुपयांची रोकड व ५ हजार इंडिनेशियन रुपिया देखील हस्तगत करण्यात आला.

या प्रकरणी पोलिसांनी अनुज केशवानी याला चौकशीसाठी ताब्यात घेतले आहे. या अगोदर पोलिसांनी अंमली पदार्था तस्करी प्रकरणी अटक केलेल्या कैझान इब्राहीम यांच्या चौकशीत त्याने अनुज केशवानी याचे नाव उघड केले होते. अनुज केशवानी हा त्याचा या अंमली पदार्थांसाठीचा पुरवठादार होता. जप्त करण्यात आलेल्या एलएसडीचे प्रमाण हे एनडीपीएस कायद्यानुसार व्यावसायिक प्रमाण आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 6, 2020 8:03 pm

Web Title: stocks of narcotics seized in ncb operation in mumbai msr 87
Next Stories
1 “मुंबईतील सर्व ट्रेन्स, कार्यालयं १ नोव्हेंबरपर्यंत सुरू करा; शाळा जानेवारीत उघडा”
2 रियाच्या भावाला अटक होताच शेखर सुमन यांचं ट्विट; म्हणाले… “लहान मासा गळाला लागलाय, लवकरच..”
3 रिया चक्रवर्तीला NCB दिलं समन्स; मुंबई पोलिसांसह टीम पोहचली घरी
Just Now!
X