30 September 2020

News Flash

आत्महत्या करणाऱ्याची ओळख पटली

वांद्रे-वरळी सागरीसेतूवरून शनिवारी मध्यरात्रीच्या सुमारास उडी मारून आत्महत्या केलेल्या तरुणाची सीसी टीव्ही कॅमेरातील फुटेजच्या मदतीने अखेळ पटविण्यात पोलिसांना यश आले आहे.

| January 26, 2015 12:38 pm

वांद्रे-वरळी सागरीसेतूवरून शनिवारी मध्यरात्रीच्या सुमारास उडी मारून आत्महत्या केलेल्या तरुणाची सीसी टीव्ही कॅमेरातील फुटेजच्या मदतीने अखेळ पटविण्यात पोलिसांना यश आले आहे. भायखळा येथे राहणारा अक्षय राजेंद्र मादार (२३) असे या तरुणाचे नाव असून सीसीटीव्ही कॅमेरातील फुटेज पाहिल्यानंतर त्याच्या मित्राने त्याला ओळखल्याची माहिती पोलिसांनी दिली.
भायखळा (प.) येथील हंजराज लेनमधील संजय अपार्टमेंटमध्ये राहणारा अक्षय कुलाब्याच्या गोकुळ हॉटेलमध्ये कामाला होता. तो हरवल्याची तक्रार भायखळा पोलीस ठाण्यामध्ये देण्यात आली होती. शनिवारी रात्री सव्वादोनच्या सुमारास एका तरुणाने वांद्रे-वरळी सागरीसेतूवरून उडी मारून आत्महत्या केल्यामुळे पोलीस   तपास करीत होते. भायखळ्यातील दीपक राठोडला वांद्रे-वरळी सागरीसेतूवरील सीसी टीव्हीचे फुटेज दाखविल्यानंतर उडी मारणारा अक्षय आपला मित्र असल्याचे त्याने स्पष्ट केले.
भायखळा येथील खडा पारशी परिसरातून अक्षय टॅक्सीने वांद्रे येथे निघाला होता. त्यावेळी त्याने माकडटोपी घातली होती. सागरसेतूवर टॅक्सी येताच त्याने माकडटोपी काढली आणि टॅक्सी थांबविण्यास चालकास सांगितले. टॅक्सी थांबताच तो बाहेर पडला. उलटी होत असल्याचे भासवत तो सागरसेतूच्या कठडय़ावर चढत त्याने उडी मारली.

कामोठय़ात ३० लाखांचा ऐवज लांबवला
पनवेल : कामोठे येथील सेक्टर ११ मधील धर्मराज ज्वेलर्स या दुकानातून चोरांनी ३० लाखांचा ऐवज लांबवला असल्याची घटना उघडकीस आली आहे. ज्वेलर्सच्या दुकानाच्या शेजारील गाळा एका फळविक्रेत्याने भाडय़ाने घेतला होता. त्याच गाळ्याच्या भिंतीला भगदाड पाडून चोरांनी ज्वेलर्सच्या दुकानात प्रवेश केला आणि एक किलो सोने व २५ किलो चांदी असा ऐवज लांबवला.  

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 26, 2015 12:38 pm

Web Title: suicide committed at sea link identified
Next Stories
1 मुंबईत ‘आव्वाज’ कुणाचा?
2 ..अन् बाबासाहेबांच्या निवासस्थानाचा लिलाव थांबला
3 श्रेयासाठी शिवसेना-भाजपमध्ये रस्सीखेच
Just Now!
X