03 August 2020

News Flash

सुशांत आत्महत्या प्रकरण; संजय लीला भन्साळी चौकशीसाठी पोलीस ठाण्यात दाखल

सुशांतच्या आत्महत्येप्रकरणी संजय लीला भन्साळींची चौकशी

संजय लीला भन्साळी

अभिनेता सुशांत सिंह राजपूतच्या आत्महत्येप्रकरणी दिग्दर्शक संजय लीला भन्साळी चौकशीसाठी वांद्रे पोलीस ठाण्यात हजर झाले आहेत. सुशांतने १४ जून रोजी आत्महत्या केली. त्यानंतर कलाविश्वात एकच खळबळ उडाली आहे. बॉलिवूडमधील घराणेशाहीला कंटाळून सुशांतने आत्महत्या केल्याचं म्हटलं जात आहे. या प्रकरणी कलाविश्वातील अनेक दिग्गजांवर घराणेशाहीचा आरोप करण्यात आला आहे. त्यामुळेच सध्या पोलीस यंत्रणा या प्रकरणी कसून चौकशी करत आहे.

सुशांतच्या आत्महत्येनंतर पोलिसांनी कलाविश्वातील अनेकांची चौकशी केली असून त्यात सुशांतसंदर्भातील अनेक गोष्टींची माहिती समोर आली आहे. पोलिसांनी आतापर्यंत २८ जणांचा जबाब नोंदविला आहे. त्यानंतर आता संजय लीला भन्साळी यांची चौकशी होणार आहे. ही चौकशी करण्यापूर्वी भन्साळी यांना पोलिसांनी समन्स बजावले होते.

संजय लीला भन्साळी यांनी त्यांच्या दोन चित्रपटांसाठी सुशांतला साइन केलं होतं. मात्र ऐनवेळी त्याला चित्रपटातून काढून टाकण्यात आलं. म्हणून  सुशांत नैराश्यात गेला असं म्हटलं जात आहे. त्यामुळेच या प्रकरणी संजय लीला भन्साळी यांची चौकशी करण्यात येणार आहे.

दरम्यान, सुशांतने १४ जून रोजी त्याच्या राहत्या घरी गळफास घेऊन आत्महत्या केली. त्याच्या आत्महत्येचं कारण अद्याप स्पष्ट झालेलं नाही. परंतु काहींच्या मते नैराश्यात येऊन त्याने आत्महत्या केली. तर बॉलिवूडमधील घराणेशाहीला कंटाळून त्याने जीवनाचा अंत केल असं म्हटलं जात आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 6, 2020 1:12 pm

Web Title: sushant singh case filmmaker sanjay leela bhansali bandra police station suicide investigation ssj 93
Next Stories
1 “‘भीगे होठ तेरे..’ गाणं गाताना मी…”; कुणाल गांजावालाने सांगितला अनुभव
2 ‘अशा लोकांना…’, मनोज वाजपेयीने साधला केआरकेवर निशाणा
3 सुशांतच्या एक्स मॅनेजरला ओळखत नाही; प्रेमप्रकरणाच्या आरोपांवर सूरज पांचोलीची प्रतिक्रिया
Just Now!
X