खोपट परिसरात एका दाम्पत्याने आत्महत्या केल्याची घटना मंगळवारी उघडकीस आली आहे. एकनाथ घाग (६४) आणि संगीता घाग (६०) अशी त्यांची नावे असून ते गणपती व्हिला येथे राहत होते. ठाणे ग्रामीण पोलीस दलात वाहन चालक असणाऱ्या घाग यांनी चार वर्षांपूर्वी स्वेच्छा निवृत्ती घेतली होती. त्यांच्या मुली वारंवार घरी दूरध्वनी करत होत्या. मात्र प्रतिसाद मिळत नसल्याने त्यांची एक मुलगी घरी आली. बराच वेळ बेल वाजवूनही दरवाजा उघडला नसल्याने खिडकीचे गज काढून त्यांनी आत प्रवेश केला. तेव्हा हे दोघेही मृतावस्थेत आढळून आले.
