News Flash

गंगारामबुवा कवठेकर यांना तमाशा जीवन गौरव

जीवन गौरव पुरस्कारासाठी गंगारामबुवा कवठेकर यांची निवड करण्यात आली आहे.

राज्य शासनाच्या सांस्कृतिक कार्य संचालनालयातर्फे देण्यात येणाऱ्या तमाशासम्राज्ञी विठाबाई नारायणगावकर यांच्या नावाने देण्यात येणाऱ्या तमाशा जीवन गौरव पुरस्कारासाठी गंगारामबुवा कवठेकर यांची निवड करण्यात आली आहे. सांस्कृतिक कार्यमंत्री विनोद तावडे यांनी ही घोषणा केली.
५ लाख रुपये, मानचिन्ह आणि मानपत्र असे या पुरस्काराचे स्वरूप आहे. येत्या २० फेब्रुवारीस वाशी-नवी मुंबई येथे आयोजित करण्यात आलेल्या तमाशा महोत्सवात कवठेकर यांना गेल्या वर्षीचे जीवनगौरव पुरस्कारप्राप्त गौरवमूर्ती भीमाभाऊ सांगवीकर यांच्या हस्ते कवठेकर यांना हा पुरस्कार प्रदान करण्यात येणार आहे.
कवठेकर हे उत्कृष्ट ढोलकीपटू आणि विनोदसम्राट (सोंगाडय़ा) म्हणून प्रसिद्ध आहेत. हार्मोनियम, संबळ, ताशावादन, नृत्य याही कला अवगत असणाऱ्या कवठेकर यांचा १९५२ ते १९८७ या कालावधीत स्वत:चा फड होता.
त्यांचा तमाशा फड पुणे, अहमदनगर, नाशिक या भागात लोकप्रिय होता. ८४ वर्षे वयाचे कवठेकर बुवा आजही नव्या कलाकारांना मार्गदर्शन करत असतात.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 18, 2016 12:25 am

Web Title: tamasha life achievement award to gangarama uva kavthekar
Next Stories
1 मराठी भाषादिनानिमित्त आठ ग्रंथांचे प्रकाशन
2 अग्निशमन बंबांच्या लोकार्पणावरून श्रेयवाद
3 भाजपेतर राज्यांच्या मुख्यमंत्र्यांचा कार्यक्रमावर बहिष्कार
Just Now!
X