News Flash

शिक्षकांना सातवा वेतन आयोग लागू

शासकीय कर्मचाऱ्यांच्याबरोबर वेतन आयोग लागू होण्याची ही पहिलीच वेळ आहे, असे याबाबत शिक्षणमंत्री विनोद तावडे यांनी सांगितले.

(संग्रहित छायाचित्र)

अनुदानित अशासकीय शाळांतील पूर्णवेळ शिक्षक व शिक्षकेतर कर्मचाऱ्यांनाही सातवा वेतन आयोग अखेर लागू करण्यात आला असून याबाबतचा निर्णय शासनाने शुक्रवारी जाहीर केला.

शासकीय कर्मचाऱ्यांना सातवा वेतन आयोग लागू होत असताना शिक्षकांना मात्र वेतन आयोग लागू करण्यात आला नसल्याचा आक्षेप संघटनांनी घेतला होता. त्याबाबत शासनाने शुक्रवारी निर्णय जाहीर केला असून शासकीय कर्मचाऱ्यांबरोबरच शिक्षकांनाही वेतन आयोग लागू करण्यात येणार आहे. राज्यातील अनुदानित खासगी प्राथमिक, माध्यमिक, उच्च माध्यमिक शाळा, कनिष्ठ महाविद्यालये, अध्यापक महाविद्यालये आणि सैनिकी शाळांतील पूर्णवेळ शिक्षक, शिक्षकेतर कर्मचाऱ्यांना सुधारित वेतन लागू होणार आहे. ‘सहावा वेतन आयोग लागू झाल्यानंतर तब्बल सहा महिन्यांनतर शिक्षकांना याचा लाभ मिळाला होता तसेच पाचव्या वेतन आयोगाचा लाभ शिक्षकांना सुमारे  चार महिन्यांनतर देण्यात आला होता. सातवा वेतन आयोग काही दिवसांतच देण्यात आला आहे.

शासकीय कर्मचाऱ्यांच्याबरोबर वेतन आयोग लागू होण्याची ही पहिलीच वेळ आहे, असे याबाबत शिक्षणमंत्री विनोद तावडे यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 23, 2019 1:20 am

Web Title: teachers apply to the seventh pay commission
Next Stories
1 प्रसूतिगृहाची जागा भाजप नगरसेविकेच्या संस्थेला?
2 राणीबागेच्या विस्तारीकरणाला मान्यता
3 भाजी मंडईत कपडेविक्री
Just Now!
X