News Flash

मुंबईत तापमानात पुन्हा घट

कमाल आणि किमान तापमानामध्ये सोमवारी घट नोंदविण्यात आली.

(संग्रहित छायाचित्र)

सलग चौथ्या दिवशी शहर आणि उपनगरात ढगाळ वातावरण होते. रात्री पावसाने हजेरी लावली. कमाल आणि किमान तापमानामध्ये सोमवारी घट नोंदविण्यात आली.

अरबी समुद्रात गुजरातच्या दक्षिणेस तयार झालेली चक्रवाती वर्तुळाकार आणि द्रोणीय स्थितीमुळे शुक्रवारपासून मुंबई आणि परिसरात अनेक ठिकाणी तापमानात मोठी घट होण्याबरोबरच पावसानेदेखील हजेरी लावली. ढगाळ वातावरणामुळे कमाल तापमान शुक्रवारी ३० अंशापर्यंत घसरले. त्यामध्ये गेल्या दोन दिवसांत थोडा चढउतार झाला. मात्र सततचे ढगाळ वातावरण आणि पाऊस यामुळे सोमवारी तापमानात एक अंशाची घट झाली. कुलाबा केंद्रावर २७ अंश, तर सांताक्रूझ केंद्रावर २६.९ अंश कमाल तापमान नोंदविण्यात आले. मोसमातील हे सर्वात कमी कमाल तापमान आहे.

रविवारी मध्यरात्री आणि सोमवारी पहाटे शहर आणि उपनगरात अनेक ठिकाणी पावसाने हजेरी लावली. कांदिवली १८.६ मिमी, कुलाबा १२.२० मिमी तर अनेक ठिकाणी पाच ते १५ मिमी पाऊस नोंदविण्यात आला.

परिणामी, किमान तापमानातदेखील घट झाली. रविवारी सकाळी साडेआठपर्यंतच्या नोंदीनुसार सांताक्रूझ आणि कुलाबा केंद्रावर २२ अंश किमान तापमान नोंदविण्यात आले.

आज तुरळक पावसाची शक्यता

अरबी समुद्रातील घडामोडींमुळे रविवारी मुंबई, ठाणे, पालघर, रायगड, धुळे, नंदुरबार आणि नाशिक जिल्ह्यात हलका, तर संपूर्ण विदर्भात हलका ते मध्यम पाऊस होण्याची शक्यता हवामान विभागाने वर्तविली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 15, 2020 12:27 am

Web Title: temperature drops again in mumbai abn 97
Next Stories
1 सुरक्षा रक्षक तैनात करण्याची पालिकेची सूचना
2 कांजूर भूखंड हस्तांतरणाचा आदेश मागे घेता की रद्द करू ?
3 महिला अत्याचार प्रतिबंध विधेयक सादर
Just Now!
X