News Flash

मुंबईच्या तापमानात वाढ

कमाल तापमानात ५.५ अंशाने वाढ होऊ न ते ३२ अंश सेल्सिअसवर पोहोचले.

(संग्रहित छायाचित्र)

राज्यात अनेक ठिकाणी किमान तापमान १० ते १४ अंश असताना रविवारी मुंबईच्या कमाल आणि किमान तापमानात वाढ झाली. कमाल तापमानात ५.५ अंशाने वाढ होऊ न ते ३२ अंश सेल्सिअसवर पोहोचले. तर किमान तापमान १५.५ वरून १७.५ अंशावर पोहोचले.

उत्तर पश्चिम वाऱ्यामुळे गेल्या आठ दिवसांत मुंबईत थंडीची लाट आली. अनेक ठिकाणी तापमान १५ अंशाखाली गेले होते. मात्र वाऱ्याची दिशा बदलून ते दक्षिण पूर्व झाल्यामुळे मुंबईतील तापमानात वाढ झाली. पुढील दोन दिवसांत मुंबईसह मध्य महाराष्ट्रात तापमानात काही प्रमाणात वाढ होण्याची शक्यता आहे. पुढील दोन दिवस मुंबईत कमाल तापमान ३० ते ३१ अंश सेल्सिअस तर, किमान तापमान १८ ते १९ अंश सेल्सिअस राहण्याची शक्यता आहे.

रविवारी मध्य महाराष्ट्रात किमान तापमान १० ते १६ अंश, विदर्भात १० ते १४ अंश  तर मराठवाडय़ात १० ते १६ अंश नोंदविण्यात आले. विदर्भात अनेक ठिकाणी पारा १० अंशावर होता. कोकणात कमाल आणि किमान तापमानात वाढ झाली. किनारपट्टीवर किमान तापमान १५ ते २० अंश दरम्यान होते. हवामान विभागाच्या अनुमानानुसार ७ आणि ९ जानेवारीला विदर्भ आणि संलग्न प्रदेशात हलक्या ते मध्यम पावसाची शक्यता आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 6, 2020 12:57 am

Web Title: temperature rise in mumbai abn 97
Next Stories
1 १२ कोटींचे अमली पदार्थ हस्तगत
2 खातेवाटपानंतरही मंत्र्यांमध्ये खदखद!
3 टाटा समूहात परतण्यात स्वारस्य नाही!
Just Now!
X