News Flash

पुण्याच्या दिशेने जाणाऱ्या टेम्पोने पेट घेतला, मुंबई-पुणे एक्स्प्रेस वेवरील वाहतूक मंदावली

पुण्याकडे येणारी वाहतूक धीम्या गतीने सुरू आहे.

मुंबई एक्स्प्रेस वे संग्रहित छायाचित्र.

मुंबई पुणे द्रुतगती मार्गावर गुरुवारी सकाळी साडेसातच्या सुमारास खंडाळा बोरघाटात एका टेम्पोने अचानक पेट घेतला. यामध्ये टेम्पो पूर्णपणे जळून खाक झाला. हा टेम्पो मुंबईहून पुण्याकडे निघाला होता. या घटनेमुळे मुंबई-पुणे वाहतुकीवर परिणाम झाला. काही काळ धीम्यागतीने वाहतूक सुरू होती.
खोपोली महामार्ग पोलिसांनी दिलेल्या माहितीनुसार, सौंदर्य प्रसाधने, स्टेशनरी, विद्युत साहित्य व कपडे घेऊन टेम्पो (एचआर ६१ बी १२४३) पुण्याकडे निघाला होता. घाटात टेम्पो आल्यानंतर शॉर्ट सर्किटमुळे अचानक आग लागली. यामध्ये टेम्पोतील साहित्य आणि टेम्पो पूर्णपणे जळून खाक झाला.
या घटनेनंतर पुण्याकडे जाणारी वाहतूक दोन तास ठप्प झाली होती. साडेनऊच्या सुमारास आयआरबी कंपनीचे तीन व खोपोली नगरपरिषदेच्या एका अग्निशामक बंबाने ही आग विझविण्यात आली. दरम्यान विस्कळीत झालेली वाहतूक पुर्वपदावर येण्यास आणखी तासभर लागण्याची शक्यता महामार्ग पोलिसांनी व्यक्त केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 29, 2016 9:29 am

Web Title: tempo igniting on mumbai pune express way impact on traffic
Next Stories
1 दादर स्थानकात तीन नवे फलाट!
2 सीएसटी परिसराचा कायापालट होणार
3 मुंबईसाठी मराठा समाजाची ‘मोर्चे’बांधणी
Just Now!
X