News Flash

डान्सबार छापा: कारवाईत हयगय केल्याने तीन पोलीस अधिकारी निलंबीत

ठाण्यातील एका डान्सबारवर छापा टाकण्याच्या कारवाईत हयगय केल्याने संबंधित पोलीस ठाण्यातील तीन पोलीस अधिकाऱयांचे निलंबन करण्यात आले आहे.

| November 22, 2013 11:49 am

ठाण्यातील एका डान्सबारवर छापा टाकण्याच्या कारवाईत हयगय केल्याने संबंधित पोलीस ठाण्यातील तीन पोलीस अधिकाऱयांचे निलंबन करण्यात आले आहे.
यात वरिष्ठ पोलीस अधिकारी अशोक जगताप, सहाय्यक पोलीस आणि एका हवालदाराचा समावेश आहे.
मुंबई पोलिसांना ठाण्यातील एका डान्सबार मध्ये वेश्या व्यवसाय सुरू असल्याची माहिती मिळताच याठिकाणी मुंबई पोलिसांच्या सामाजिक शाखेने छापा टाकला. यात एकूण ५७ मुलींची सुटका करण्यात आली तसेच १४ जणांना अटक करण्यात आली. मात्र, डान्सबारच्या मालकाने तेथून पळ ठोकला.
या डान्सबारमध्ये वैश्या व्यवसाय सुरू असल्याची तक्रार एका ‘एनजीओ’ने तेथील स्थानिक पोलीस ठाण्यात दाखल केली होती. परंतु, तेथील पोलीस अधिकाऱयांनी यावर कोणतीही कारवाई केली नाही. त्यानंतर या एनजीओने मुंबई पोलिसांच्या सामाजिक शाखेची मदत घेतली. याप्रकरणाची ठाण्याच्या पोलीस आयुक्तांना माहिती मिळताच तेथील संबंधित पोलीस ठाण्यातील तीन पोलीस अधिकाऱयांचे कारवाईसाठी हयगय बाळगल्यामुळे निलंबन केले. 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 22, 2013 11:49 am

Web Title: thane bar raid three cops suspended for negligence
Next Stories
1 अभिनेता शाहरूख खानच्या बंगल्यात किरकोळ आग!
2 पवारांना विश्रांतीचा सल्ला
3 पोलिसांचे आता कॉर्पोरेट खबरी
Just Now!
X