नागरिकांना ३१ मार्चपूर्वी मालमत्ता कर आणि पाणीबिल भरणे सोयीचे व्हावे म्हणून पुढील तीन महिने करवसुली आणि पाणीबिल भरणा केंद्र सार्वजनिक सुटीच्या दिवशीही सुरू राहणार आहेत. ३१ मार्चपर्यंत दुसरा आणि चौथा शनिवार तसेच सार्वजनिक सुट्टीच्या दिवशी सकाळी १० ते संध्याकाळी ५.४५ या वेळेत महापालिकेची सर्व प्रभाग समिती कार्यालये सुरू राहणार आहेत. या काळात सर्व रविवारी प्रभाग समिती कार्यालयातील पाणीपट्टी वसुली व कर संकलन विभाग सकाळी १०.३० ते दुपारी २ या वेळेत सुरू राहतील.
