21 September 2020

News Flash

गुटखा परत मिळविण्यासाठीची याचिका सर्वोच्च न्यायालयानेही फेटाळली

गेल्या वर्षी जुलै महिन्यात अन्न व औषध प्रशासनाने जप्त केलेला दोन कोटी ७० लाख रुपयांचा गुटखा परत मिळवा यासाठी किर्ती इंडस्ट्रीज कंपनीने दाखल केलेली याचिका

| June 27, 2013 03:30 am

गेल्या वर्षी जुलै महिन्यात अन्न व औषध प्रशासनाने जप्त केलेला दोन कोटी ७० लाख रुपयांचा गुटखा परत मिळवा यासाठी किर्ती इंडस्ट्रीज कंपनीने दाखल केलेली याचिका आता सर्वोच्च न्यायालयानेही फेटाळली आहे. त्यामुळे हा गुटखा आता नष्ट करण्यात येणार आहे.
किर्ती इंडस्ट्रीजतर्फे एका नामांकित कंपनीचा गुटखा परराज्यात विक्रीसाठी पाठविण्यात येत होता. या वेळी अन्न व औषध प्रशासनाच्या अधिकाऱ्यांनी ठाणे जिल्ह्य़ातील डहाणू येथे कारवाई करून हा गुटखा जप्त केला होता. यामुळे प्रशासनाच्या कारवाईविरोधात कंपनीच्या वतीने उच्च न्यायालयात याचिका दाखल करण्यात आली होती. उच्च न्यायालयाने याचिका फेटाळल्यानंतर कंपनीने सर्वोच्च न्यायालयात याचिका दाखल केली होती. परंतु सर्वोच्च न्यायालयानेही उच्च न्यायालयाचा निकाल ग्राह्य धरत ही याचिका फेटाळून लावली. यामुळे आता हा गुटखा अन्न व औषध प्रशासनाच्या वतीने नष्ट करण्यात येणार आहे. सध्या गुटख्याचा हा साठा मुंबई येथील अन्न व औषध प्रशासनाच्या कार्यालयात ठेवण्यात आला असून तो नष्ट करण्यासाठी पुणे येथे पाठविणार आहे, अशी माहिती अन्न व औषध प्रशासनाच्या अधिकाऱ्यांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 27, 2013 3:30 am

Web Title: the supreme court rejects petition over gutka ban
टॅग Supreme Court
Next Stories
1 रुळाला तडा; मध्य रेल्वे विस्कळीत
2 मोदींच्या बैठकीला गडकरींच्या दांडीमुळे राजकीय वर्तुळात चर्चेला जोर
3 नवऱयाच्या हत्येच्या आरोपातून पत्नीची आणि तिच्या कुटुंबीयांची मुक्तता
Just Now!
X