राज्य सराकारने काही 'आयएएस' अधिकाऱ्यांच्या बदल्या केल्या आहेत. ज्यामध्ये डॉ. निधी पांडे, व्ही.एन.कळम, आर.व्ही.निंबाळकर, सी.के.डांगे, सुशील खोडवेकर या 'आयएएस' अधिकाऱ्यांच्या समावेश आहे. डॉ. निधी पांडे यांची शिवशाही पुर्नविकास प्रकल्प मुंबईच्या व्यवस्थापकीय संचालकपदी नियुक्ती करण्यात आली आहे. व्ही.एन.कळम यांची विकास आयुक्त (असंघटीत कामगार) मुंबई येथे बदली करण्यात आली आहे. तर पुणे महानगर पालिकेचे अतिरिक्त आयुक्त आर.व्ही. निंबाळकर यांची झोपडपट्टी पुनर्वसन विकास, पुणे येथे मुख्य कार्यकारी अधिकारीपदी नियुक्ती केली गेली आहे. सी.के.डांगे यांची मंत्रालयाच्या सामान्य प्रशासन विभागाच्या संयुक्त सचिवपदी नियुक्ती झाली आहे. तर सुशील खोडवेकर यांना शालेय शिक्षण व क्रीडा विभाग, मंत्रालय येथील उप सचिव पदाची जबाबदारी देण्यात आली आहे.
